ରବିବାର ରାତିରେ ବେଙ୍ଗାଲୁରୁରେ ଆୟୋଜିତ ପାର୍ଟିରେ ଡ୍ରଗ୍‌ ସେବନ କରିଥିବା ଅଭିଯୋଗରେ ବଲିଉଡ୍‌ ଅଭିନେତା ଶକ୍ତି କପୁରଙ୍କ ପୁଅ ସିଦ୍ଧାନ୍ତ କପୁରଙ୍କୁ ପୁଲିସ ଗିରଫ କରିଛି । ଡି. ଜେ. ପାର୍ଟି ଆୟୋଜନ କରାଯାଇଥିବା ଏମ୍‌ଜି ରୋଡ୍‌ସ୍ଥିତ ପାର୍କ ହୋଟେଲ୍‌ ପବ୍‌ରେ ବେଙ୍ଗାଲୁରୁ ପୁଲିସ ଚଢ଼ାଉ କରିଥିଲା। ସେଠାରେ ସମବେତ ୩୫ଜଣ ଅତିଥିଙ୍କ ନମୁନା ଡାକ୍ତରୀ ପରୀକ୍ଷା ପାଇଁ ପଠାଯାଇଥିଲା। ସେମାନଙ୍କ ମଧ୍ୟରୁ ୬ଜଣଙ୍କ ରିପୋର୍ଟ ପଜିଟିଭ୍‌ ଆସିଥିଲା। ଅର୍ଥାତ୍ ସେମାନେ ଡ୍ରଗ୍‌ ସେବନ କରିଥିଲେ। ସେମାନଙ୍କ ମଧ୍ୟରୁ ସିଦ୍ଧାନ୍ତ ବୋଲି ପୁଲିସ ଅଧିକାରୀମାନେ କହିଛନ୍ତି।

ଡ୍ରଗ୍ସ ମାମଲାରେ ସିଦ୍ଧାନ୍ତଙ୍କ ନାମ ଆସିବା ପରେ ଶକ୍ତି କପୁର ନିଜର ପ୍ରତିକ୍ରିୟା ପ୍ରକାଶ କରିଛନ୍ତି। ଶକ୍ତି କପୁର କହିଛନ୍ତି ଯେ ମୁଁ କେବଳ ଗୋଟିଏ କଥା କହିପାରେ, କି ଏହା ସମ୍ଭବ ନୁହେଁ। କାରଣ ମୁଁ ମୁମ୍ବାଇରେ ଅଛି, ଏ ବିଷୟରେ ମୋତେ ଜଣା ନାହିଁ, ମୁଁ ନ୍ୟୁଜ୍ ଚ୍ୟାନେଲରୁ ହିଁ ଜାଣିଲି। ଏସବୁ କ’ଣ ଘଟୁଛି ଜାଣି ନାହିଁ । ଏଥିରେ ସିଦ୍ଧାନ୍ତଙ୍କୁ କେବଳ ହେପାଜତକୁ ନିଆଯାଇଛି । ତାଙ୍କୁ ଗିରଫ କରାଯାଇ ନାହିଁ ବୋଲି କହିଛନ୍ତି।

ସିଦ୍ଧାନ୍ତ ମଧ୍ୟ ଜଣେ ଅଭିନେତା ଏବଂ ସେ ୨୦୨୦ ୱେବ୍‌ ସିରିଜ୍‌ ‘ଭ‌ୌକାଲ୍‌’ରେ ଚିଣ୍ଟୁ ଦେଢ଼ା ଚରିତ୍ରରେ ଅଭିନୟ କରିଛନ୍ତି। ‘ସୁଟ୍‌ଆଉଟ୍‌ ଆଟ୍‌ ବଡ଼ାଲା’, ‘ଅଗ୍‌ଲି’, ‘ହସୀନା ପାର୍କର୍‌’, ‘ଚେହେରେ’ ଆଦି ଚଳଚ୍ଚିତ୍ରରେ ମଧ୍ୟ ସେ ଅଭିନୟ କରିଛନ୍ତି। ‘ଭାଗମ୍‌ ଭାଗ୍‌’, ‘ଚୁପ୍‌ ଚୁପ୍‌ କେ’, ‘ଭୁଲ୍‌ ଭୁଲୈୟା’ ଏବଂ ‘ଢୋଲ୍‌’ ଆଦି ଚଳଚ୍ଚିତ୍ରରେ ସେ ଅନ୍ୟତମ ସହକାରୀ ନିର୍ଦେଶକ ଭାବେ କାର୍ଯ୍ୟ କରିଛନ୍ତି।

Powered by Froala Editor