ଗରମଦିନେ କେଶର ଯତ୍ନ ବିଷୟରେ ଜାଣନ୍ତୁ......
ଗରମ ଦିନେ ଅତ୍ୟଧିକ ଗରମ ସାଙ୍ଗକୁ କେଶର ସମସ୍ୟା ମୁଣ୍ଡ ବିନ୍ଧାର କାରଣ ସାଜିଥାଏ । ଆଜି ଆମେ ଆପଣଙ୍କୁ କେଶ ସହିତ ଯୋଡିହୋଇଥିବା ସମସ୍ତ ସମସ୍ୟାର ସମାଧାନ ବିଷୟରେ ଜଣାଇବୁ । କେଶ ସହିତ ଯୋଡିହୋଇଥିବା ସମସ୍ତ ସମସ୍ୟାର ସମଧାନ ହେୟାର ମାସ୍କ ହୋଇଥାଏ । ଏହା କେଶ ଭିତରକୁ ଯାଇ କେଶକୁ ମଜବୁତ୍ ବନାଇଥାଏ । ଏହି ହେୟାର ମାସ୍କର ପ୍ରସ୍ତୁତି ପାଇଁ କିଛି ଘରୋଇ ଜିନିଷର ବ୍ୟବହାର କରାଯାଇଥାଏ । ସେଥିମଧ୍ୟରୁ କଦଳୀ କେଶ ପାଇଁ ବହୁ ଉପକାରୀ ହୋଇଥାଏ ।
କେଶର ଶୁଖାପଣ ଏବଂ କେଶ ଖରାପ ହେବାରୁ ମୁକ୍ତି ପାଇବା ପାଇଁ କିଛି ଲୋକ କଦଳୀକୁ ମଧ୍ୟ ସେବନ କରିଥାନ୍ତି । କଦଳୀର ମଶ୍ଚରାଇଜିଂ ଗୁଣ ପାଇଁ ଏହାର ବ୍ୟବହାର ଗରମ ଦିନରେ ବହୁ ପରିମାଣରେ ବଢିଯାଇଥାଏ । ଏହା କେଶକୁ ପର୍ଯ୍ୟାପ୍ତ ପରିମାଣରେ ହାଇଡ୍ରେସନବି ପ୍ରଦାନ କରିଥାଏ । କଦଳୀ ପୋଟାସିୟମ୍, ଭିଟାମିନ୍ ବି-୬, ଭିଟାମିନ୍ ସି, ମେଗ୍ନେଶିୟମ୍ ଏବଂ ପ୍ରୋଟିନରେ ଭରପୁର ହୋଇଥାଏ । ଏହା କେଶକୁ ସମସ୍ତ ପ୍ରକାର ପୋଷଣ ତତ୍ୱ ଯୋଗାଇ କେଶକୁ ସୁନ୍ଦର ଏବଂ ମଜବୁତ କରିବାରେ ସାହାଯ୍ୟ କରିଥାଏ । ଏଠାରେ ଆମେ ଅପଣଙ୍କୁ କଦଳୀରେ ପ୍ରସ୍ତୁତ ହେଇଥିବା କିଛି ଘରୋଇ ଉପାୟ ବିଷୟରେ କହିବୁ, ଯାହାକୁ କେଶରେ ଲଗାଇବା ଦ୍ୱାରା କେଶ ଝଡିବା ଏବଂ କେଶର ଶୁଖାପଣ ଭଳି ସମସ୍ୟାରୁ ମୁକ୍ତି ମିଳିପାରିବ । ଯଦି ଆପଣଙ୍କ କେଶରେ ଶୁଖାପଣ ଭଳି ସମସ୍ୟା ଦେଖାଦେଉଛି, ତେବେ ଆପଣଙ୍କୁ କଦଳୀ ଏବଂ ମହୁର ହେୟାର ମାସ୍କ ବ୍ୟବହାର କରିବା ଉଚିତ୍ । ଏହି ମାସ୍କ ଦୁର୍ବଳ କେଶକୁ ସତେଜ କରିବା ସହ ମୋଡି ହୋଇଥିବା କେଶକୁ ଠିକ୍ କରିବାରେ ସାହାଯ୍ୟ କରିଥାଏ ।
ଏହି ହେୟାର ପ୍ୟାକ୍ ତିଆରି କରିବାର ଉପାୟ, ଦୁଇଟି ପାଚିଲା କଦଳୀ ସହିତ ଦୁଇ ବଡ ଚାମଚ ମହୁ ମିଶାଇ ତାକୁ ଭଲଭାବେ ମିଶାଇଦେବେ । ଏହି ହେୟାର ମାସ୍କକୁ କେଶରେ ଲଗାଇ ହେୟାରକ୍ୟାପ୍ ଦ୍ୱାରା କେଶକୁ ଢାଙ୍କି ଦେବେ । କିଛି ସମୟ ପରେ ଥଣ୍ଡାପାଣିରେ କେଶକୁ ଧୋଇଦେବେ, ଦେଖିବେ ପୂର୍ବାପେକ୍ଷା କେଶର ଚମକ ବଢିଯିବ ।
କଦଳୀ ଏବଂ ନଡିଆ ପାଣି କେଶ ପାଇଁ ବହୁ ଉପକାରୀ ହୋଇଥାଏ । ଏହି ମାସ୍କ କେଶକୁ ଚିକ୍କଣ ଏବଂ ମଜବୁତ୍ କରାଇବାରେ ସାହାଯ୍ୟ କରିଥାଏ । ଏହି ମାସ୍କକୁ ଲଗାଇବା ଦ୍ୱାରା କେଶ ପୂର୍ବ ଅପେକ୍ଷା ଅଧିକ କୋମଳ ହୋଇଯାଇଥାଏ । ଏହି ହେୟାର ପେକ୍ ଦୁଇଟି ପାଚିଲା କଦଳୀ ଏବଂ ଅଧା କପ୍ ନଡିଆ ପାଣିର ମିଶ୍ରଣରେ ପ୍ରସ୍ତୁତ ହୋଇଥାଏ । ଆପଣ ଚାହିଁଲେ ଏଥିରେ କିଛି ପରିମାଣରେ ମହୁ ମଧ୍ୟ ମିଶାଇ ପାରିବେ । ଏହି ହେୟରମାସ୍କକୁ ଅଳ୍ପ ଓଦା କେଶରେ ଲଗାଇ କେଶର ମୂଳକୁ ଧିରେ ଧିରେ ମାଲିସ୍ କରିବେ । ଅଧ ଘଣ୍ଟା ପର୍ଯ୍ୟନ୍ତ ସେହିପରି ରହିବାକୁ ଦେବେ ଏବଂ ପରେ ଏହାକୁ ସାମ୍ପୋରେ ଭଲଭାବେ ଧୋଇଦେବେ । ଦହି କେଶ ପାଇଁ ଗୋଟିଏ ପ୍ରାକୃତିକ କଣ୍ଡିସନରର କାମ କରିଥାଏ । ପାଚିଲା କଦଳୀ ସହିତ ଦହିକୁ ମିଶାଇ ଲଗାଇବା ଦ୍ୱାରା କେଶ ମଜବୁତ ହୋଇଥାଏ ଏବଂ କେଶର ରୁଖାପଣରୁ ମଧ୍ୟ ମୁକ୍ତି ଦେଇଥାଏ । ଏହି ସବୁ ଘରୋଇ ଉପାୟକୁ ଅବଲମ୍ବନ କରି କେଶ ସମସ୍ୟାରୁ ମୁକ୍ତି ପାଇପାରିବେ ।
Powered by Froala Editor
