ବୋହୂ ମାଡ଼ରେ ଶ୍ୱଶୁର ଲହୁଲୁହାଣ
ପୁରୀ ସଦର ଥାନା ଅନ୍ତର୍ଗତ ରାଇଗୋରଡା ପଞ୍ଚାୟତ ନୂଆପଡା ଗ୍ରାମରେ ଅଭାବନୀୟ ଘଟଣା ଘଟିଛି । ୯୬ ବର୍ଷୀୟ ବୃଦ୍ଧଙ୍କୁ ତାର ବୋହୂ କବାଟ କିଳି ମାରି ମାରି ଲହୁଲୁହାଣ କରିଦେଇଛି । ସେ ବର୍ତ୍ତମାନ ପୁରୀ ସଦର ମୁଖ୍ୟ ଚିକିତ୍ସାଳୟରେ ଚିକିତ୍ସାଧୀନ ଅଛନ୍ତି । ତଥାପି ସେ ପୁଅ ଓ ବୋହୂ ବିରୋଧରେ ଥାନାର ଦ୍ୱାରସ୍ଥ ହୋଇନାହାନ୍ତି । ଥାନାରେ ଅଭିଯୋଗ କଲେ ପୁଅ ବୋହୂଙ୍କୁ ପୋଲିସ ବାନ୍ଧି ନେଇଯିବ । ଆଉ ସେମାନେ ଜେଲ ଚାଲିଗଲେ ନାତିନାତୁଣୀଙ୍କ ସହ ସେ ନିଜେ ମଧ୍ୟ ବେସାହାରା ହୋଇଯିବେ ବୋଲି କହିଛନ୍ତି ବୃଦ୍ଧ ।
ଗୁରୁତର ବୃଦ୍ଧ ୯୬ ବର୍ଷୀୟ ଅପର୍ତ୍ତି ସାହୁ ବୋଲି ଜଣାପଡ଼ିଛି । ୮ ବର୍ଷ ତଳେ ଅପର୍ତ୍ତିଙ୍କ ପତ୍ନୀ ଆରପାରିକୁ ଚାଲିଯାଇଥିବା ବେଳେ ପୁଅ ବୋହୂଙ୍କ ଆଶ୍ରା ନେଇ ସେ ବଞ୍ଚୁଥିଲେ ମଧ୍ୟ ଏବେ ନିର୍ଯ୍ୟାତିତ ହୋଇଛନ୍ତି। ତଥାପି ସେ ସେମାନଙ୍କ ବିରୋଧରେ କିଛି କହିବାକୁ ମନା କରିଛନ୍ତି । ଏ କଥା ସାମ୍ନାକୁ ଆସିବା ପରେ ବୃଦ୍ଧଙ୍କ ପ୍ରତି ସମବେଦନା ବଢିଯାଇଛି ।
Powered by Froala Editor
