ପାନ ଯୋଡାର ମୂଲ୍ୟ ୫ହଜାର ଟଙ୍କା......
ଭୁବନେଶ୍ୱର: ସୁନା ଆସ୍ତରଣ ଦିଆ ଆଇସିକ୍ରିମ୍, ବର୍ଗର, ସିଙ୍ଗଡା ଆଦି ବଜାରରେ ବିକ୍ରି ହେଉଛି । ଏଭଳି ଦାମୀ ଖାଦ୍ୟ ପାଇଁ ଆଉ ପଞ୍ଚତାରକା ହୋଟେଲ ଯିବାର ଦରକାର ନାହିଁ । ବିହାରର ପାଟନା ପାଖରେ ଥିବା ପାସପୋର୍ଟ ଅଫିସକୁ ଲାଗି ମୌର୍ଯ୍ୟାଲୋକ କମ୍ପ୍ଲେକ୍ସ । ସେଠି ଦୋକାନ ନମ୍ବର ଡି-ଅଠର, ୨୨ବର୍ଷ ପୁରୁଣା ଏହି ଦୋକାନଟି । ଏଠାରେ ୫୦-୬୦ ପ୍ରକାରର ପାନ ମିଳେ । ଏମିତିକା ସ୍ୱାଦର ପାନ ଦେଶରେ ଅନ୍ୟ କେଉଁଠି ମିଳୁନଥିବ ବୋଲି ମାଲିକ କହିଛନ୍ତି । ଏଇ ପୁରୁଣା ପାନ ଦୋକାନରେ ୧୨ ଟଙ୍କାରୁ ଆରମ୍ଭ ହୋଇ ୫ହଜାର ଟଙ୍କା ମୂଲ୍ୟର ପାନ ବିକ୍ରି ହୁଏ । ସବୁଠୁ ମହଙ୍ଗା ପାନର ନାଁ’ ହେଉଛି ‘ସଜନା-ସଜନି’ । ବିବାହ ଉସôବରେ ଏହି ପାନ ଅଧିକାଂଶ ବରାଦ୍ ଦିଅନ୍ତି ।
୪୦ପ୍ରକାରର ମସଲା ଏଥିରେ ବ୍ୟବହାର କରାଯାଏ, ତା’ ସହ ୨୪ କ୍ୟାରେଟ୍ ଖାଦ୍ୟପଯୋଗୀ ସୁନାର ଆସ୍ତରଣ ମଧ୍ୟ ଏହା ଉପରେ ଦିଆଯାଏ । ଗୋଟିଏ ଛୋଟ ପ୍ଲେଟରେ ଦୁଇଟି ପାନକୁ ରଖାଯାଇ ପ୍ୟାକିଂ କରାଯାଏ, ଏହି ପାନ ଯୋଡାର ମୂଲ୍ୟ ୫ହଜାର ଟଙ୍କା । ଦିଲ୍ଲୀ, ମୁମ୍ବାଇରୁ କାମରେ ପାଟନା ଆସୁଥିବା ବ୍ୟବସାୟୀମାନେ ଏଠିକାର ଏହି ଦାମୀ ପାନ ବରାଦ ଦେଇ ନେଉଛନ୍ତି । ଦାମ୍ ଚଢା ସତ, କିନ୍ତୁ ପାନର ସ୍ୱାଦ ମଧ୍ୟ ଭାରି ମଜାଦାର ବୋଲି ଗ୍ରାହକ ମତ ଦେଇଛନ୍ତି ।
Powered by Froala Editor
