ବିଜେପିରେ ଯୋଗ ଦେଲେ ଅଭିନେତ୍ରୀ ମାହି ଗିଲ
‘ଦେବ ଡି’ ସିନେମାରେ ପ୍ରଶଂସା ସାଉଁଟିଥିବା ଅଭିନେତ୍ରୀ ମାହି ଗିଲ ଆଜି ଆନୁଷ୍ଠାନିକ ଭାବେ ବିଜେପିରେ ମିଶିଛନ୍ତି । ଗିଲ କହିଛନ୍ତି ‘‘ମହିଳା ମାନଙ୍କପାଇଁ କିଛି କରିବାକୁ ଚାହୁଁଛି । ମୁଁ ମହିଳାଙ୍କ ସମ୍ବନ୍ଧିତ ପ୍ରସଙ୍ଗ ଉପସ୍ଥାପନ କରିବା ପାଇଁ ଚାହୁଁଛି । ଏବେ ମୋତେ ମୋ କାମ କରିବା ପାଇଁ ମାଧ୍ୟମ ମିଳିଯାଇଛି” । ମାହି ଗିଲଙ୍କ ବ୍ୟତୀତ ପଞ୍ଜାବୀ ଅଭିନେତା କମଲ ଧାଲିୱାଲ ମଧ୍ୟ ବିଜେପିରେ ଯୋଗ ଦେଇଛନ୍ତି । ଏହି ଦୁଇଜଣ ଅଭିନେତା ପଞ୍ଜାବର ବିଜେପି ପ୍ରଭାରି ଗଜେନ୍ଦ୍ର ସିଂ ଶେଖାୱତଙ୍କ ଉପସ୍ଥିତିରେ ଦଳରେ ମିଶିଛନ୍ତି।
ପୂର୍ବବର୍ଷ ଡିସେମ୍ବର ମାସରେ ସେ କଂଗ୍ରେସର ମେୟର ପ୍ରାର୍ଥୀଙ୍କ ପାଇଁ ପ୍ରଚାର କରୁଥିଲେ। ପ୍ରଚାର କରିବା ସମୟରେ କଂଗ୍ରେସର ଆଶାୟୀ ପ୍ରାର୍ଥୀଙ୍କୁ ତାଙ୍କ ବନ୍ଧୁ କହିବା ସହ ଏବେ ରାଜନୀତିକୁ ଆସିବାର ଯୋଜନା ନାହିଁ ବୋଲି କହିଥିଲେ। କିନ୍ତୁ ଚଳିତବର୍ଷ ସେ ବିଜେପିରେ ମିଶିଛନ୍ତି ।
Powered by Froala Editor
