ଭୁବନେଶ୍ବର: ପୁଣି ଆବାସ ଯୋଜନାରେ କେନ୍ଦ୍ରର ଅବହେଳା ଅଭିଯୋଗ । ଘର ନେଇ ପୁଣି କେନ୍ଦ୍ରକୁ ରାଜ୍ୟର ଚିଠି । ଏବେ ବି ଲକ୍ଷାଧିକ ଗରିବ ହିତାଧିକାରୀ ଘର ପାଇବାରୁ ବଞ୍ଚିତ ଅଛନ୍ତି । ତେଣୁ ସେମାନଙ୍କୁ ପ୍ରଧାନମନ୍ତ୍ରୀ ଆବାସ ଯୋଜନା ଗୃହ ମିଳୁ ବୋଲି କେନ୍ଦ୍ର ଗ୍ରାମ୍ୟ ଉନ୍ନୟନ ମନ୍ତ୍ରୀ ଗିରିରାଜ ସିଂହଙ୍କୁ ଚିଠି ଲେଖିଛନ୍ତି ପଞ୍ଚାୟତିରାଜ ମନ୍ତ୍ରୀ ପ୍ରତାପ ଜେନା ।
ଏଯାଏଁ ଅନେକ ଫନି ପ୍ରଭାବିତଙ୍କୁ ଯୋଜନାରେ ଘର ମିଳିନାହିଁ । କେନ୍ଦ୍ରୀୟ ପୋର୍ଟାଲ ବନ୍ଦ ଥିବାରୁ ହିତାଧିକାରୀଙ୍କ ଡାଟା ଅପଲୋଡ ହୋଇପାରିନି । ତେଣୁ ପୋର୍ଟାଲ ଖୋଲାଯାଉ ବୋଲି ଚିଠିରେ ଉଲ୍ଲେଖ ରହିଛି । ଏହା ସହ ଚିଠିରେ ମନ୍ତ୍ରୀ ପ୍ରତାପ ଜେନା ବିଭିନ୍ନ ବିଷୟରେ କେନ୍ଦ୍ରମନ୍ତ୍ରୀଙ୍କ ଦୃଷ୍ଟି ଆକର୍ଷଣ କରିଛନ୍ତି ।
 ଆବାସ ସହିତ ରାଷ୍ଟ୍ରାୟତ୍ତ ଗ୍ରାମୀଣ ହାଉସିଂ ପୋର୍ଟାଲରେ ୬.୬୫ ଲକ୍ଷ ହିତାଧିକାରୀଙ୍କ ତଥ୍ୟକୁ ପୋର୍ଟାଲରେ ସାମିଲ ପାଇଁ ଚିଠିରେ ଉଲ୍ଲେଖ୍ୟ । ବାତ୍ୟା ଫନି ୧.୮୪ ଲକ୍ଷ ପ୍ରଭାବିତଙ୍କୁ ସ୍ବତନ୍ତ୍ର PMAY (G)  ଘରଗୁଡିକ ପାଇଁ ୨୦୨୯ରୁ ପ୍ରତିଶ୍ରୁତି ମିଳିଛି ହେଲେ ତାହା ପୂରଣ ହୋଇନାହିଁ ।ଯୋଗ୍ୟ ପରିବାରର ନାମ ଅନ୍ତର୍ଭୂକ୍ତ କରିବା ପାଇଁ କିଛି ସମୟ ପାଇଁ ଆବାସ୍ + ୱିଣ୍ଡୋ ପୋର୍ଟାଲ ଖୋଲାଯାଉ ।
ସେପଟେ କର୍ଣ୍ଣାଟକରେ ଏମ୍ଆଇଏସ୍‌ ପୋର୍ଟାଲରେ ତଥ୍ୟ ଅପଲୋଡ କରିବାକୁ ଅନୁମତି ମିଳିଛି । କର୍ଣ୍ଣାଟକର ଦାବିକୁ ଜାନୁଆରୀ ୧୩ରେ ପୂରଣ କରାଯାଇଛି ହେଲେ ଓଡିଶା ଦାବିକୁ ଅଣଦେଖା କରାଯାଇଛି । ରାଜ୍ୟର ବାରମ୍ବାର ଅନୁରୋଧକୁ ଅଣଦେଖା କରିବା ଅନୁସୂଚିତ ଅଞ୍ଚଳରେ ରହୁଥିବା ତଥା କେବିଏକ ଅଞ୍ଚଳ ତଥା ପାଶ୍ଚାତ୍ୟ ଅଞ୍ଚଳର ଗରିବ ଲୋକଙ୍କୁ ଯୋଗ୍ୟ ବିବେଚିତ କରିବା ପାଇଁ ଲକ୍ଷ ଲକ୍ଷ ଆଦିବାସୀ ହିତାଧିକାରୀଙ୍କୁ ବଞ୍ଚିତ ହୋଇଛନ୍ତି ।ଏହାଦ୍ବାରା ଆଦିବାସୀ ଅଧ୍ୟୁଷିତ କେବିକେ ଅଞ୍ଚଳ ଅଧିବାସୀ ଅଧିକ ପ୍ରଭାବିତ ହେବେ । ତୁରନ୍ତ ଓଡିଶାବାସୀଙ୍କ ଏ ସମସ୍ୟା ଉପରେ ଗୁରୁତ୍ବ ଦିଆଯାଉ । ଶୀଘ୍ର ଏ ଅବହେଳା ଦୂର ହେଉ ବୋଲି ଚିଠିରେ ଲେଖିଛନ୍ତି ପ୍ରତାପ ।

Powered by Froala Editor