ନୂଆଦିଲ୍ଲୀ : କରୋନା ସଂକ୍ରମଣରେ ନୂଆ ରେକର୍ଡ ସୃଷ୍ଟି ହୋଇଛି  । ଗତ ୨୪ ଘଂଟା ମଧ୍ୟରେ ଦେଶରେ ୩ ଲକ୍ଷ ୬୨ ହଜାର ୯୦୨ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି  । ଅପରପକ୍ଷରେ ୩୨୮୫ ଜଣଙ୍କର ମୃତୁ୍ୟ ଘଟିଛି  । ଫଳରେ ଦେଶରେ କରୋନା ଆକ୍ରାନ୍ତଙ୍କ ସଂଖ୍ୟା ୧ କୋଟି ୭୯ ଲକ୍ଷ ୮୮ ହଜାର ୬୩୭ରେ ପହଁଚିଛି  । ସେହିପରି ମୋଟ ମୃତୁ୍ୟ ସଂଖ୍ୟା ୨ ଲକ୍ଷ ଟପିଯାଇଛି  । 

ଭାରତରେ ଏବେ ୩୦ ଲକ୍ଷ ସଂକ୍ରମିତ ଚିକିତ୍ସିତ ହେଉଥିବାବେଳେ ଗତ ସପ୍ତାହେ ଧରି ଦୈନିକ ୩ ଲକ୍ଷ ସଂକ୍ରମିତ ହେଉଛନ୍ତି  । ମହାରାଷ୍ଟ୍ରରେ ଦିନକରେ ସର୍ବାଧିକ ୯୦୦ ଜଣ ମୃତୁ୍ୟ ବରଣ କରିଥିବାବେଳେ ୬୬୩୫୮ ଜଣ କରୋନା ଆକ୍ରାନ୍ତ ହୋଇଛନ୍ତି  । ସେହିପରି ଉତରପ୍ରଦେଶରେ ୩୨୯୨୧, କେରଳରେ ୩୨୮୧୯, କର୍ଣ୍ଣାଟକରେ ୩୧୮୩୦ କରୋନା ସଂକ୍ରମିତ ଚିହ୍ନଟ ହୋଇଛନ୍ତି  ।

ଦେଶରେ ଅଧିକ ସଂକ୍ରମିତ ରାଜ୍ୟଗୁଡ଼ିକ ହେଉଛି, ମହାରାଷ୍ଟ୍ର (୪୪୧୦୦୮୫), କେରଳ (୧୪୦୫୬୫୫), କର୍ଣ୍ଣାଟକ (୧୪୦୦୭୭୫), ଉତରପ୍ରଦେଶ (୧୦୮୬୬୨୫), ତାମିଲନାଡୁ (୧୦୮୧୯୮୮) ଓ ଦିଲ୍ଲୀ (୧୦୪୭୯୧୬)  । ବିଶ୍ୱରେ ପ୍ରାୟ ୧୫ କୋଟି ଲୋକ କରୋନାରେ ସଂକ୍ରମିତ ହୋଇସାରିଥିବାବେଳେ ୩୧ ଲକ୍ଷ ୪୮ ହଜାର ଲୋକଙ୍କର ପ୍ରାଣହାନୀ ଘଟିଛି  । ଆମେରିକାରେ ସବୁଠାରୁ ଅଧିକ ସଂକ୍ରମିତ ଥିବାବେଳେ ଏହା ପଛକୁ ରହିଛି ଭାରତ, ବ୍ରାଜିଲ, ଫ୍ରାନ୍ସ ଓ ଋଷିଆ  । କିନ୍ତୁ ଗତ ୭ ଦିନ ମଧ୍ୟରେ ଭାରତରେ ସର୍ବାଧିକ ୨୩ ଲକ୍ଷରୁ ଉଦ୍ଧ୍ୱର୍ କରୋନା ସଂକ୍ରମିତ ଚିହ୍ନଟ ହୋଇଥିବାବେଳେ ଆମେରିକାରେ ୪ ଲକ୍ଷ ଓ ବ୍ରାଜିଲରେ ୩.୯୨ ଲକ୍ଷ ସଂକ୍ରମିତ ଚିହ୍ନଟ ହୋଇଛନ୍ତି  ।

Powered by Froala Editor