ନୂଆଦିଲ୍ଲୀ: ଦକ୍ଷିଣ ଆଫ୍ରିକୀୟ ସହରରେ ୨ଟି ଗୁଳିକାଣ୍ଡ ଘଟଣାରେ ୨୭ ଜଣଙ୍କ ମୃତ୍ୟୁ ହୋଇଛି। ପ୍ରଥମ ଘଟଣା ଶନିବାର ରାତିରେ ଜୋହାନ୍ସବର୍ଗ ନିକଟରେ ଥିବା ଏକ ବାର୍‌ରେ ଘଟିଛି। ୮ ଆକ୍ରମଣକାରୀ ଏକେ-୪୭ ରାଇଫଲ ଏବଂ ପିସ୍ତଲରୁ ଗୁଳି ଚଳାଇଥିଲେ ବୋଲି ପୋଲିସ କହିଛି। ରବିବାର ଭୋର ସମୟରେ କେପ୍‌ ଟାଉନ୍‌ ନିକଟରେ ଦ୍ୱିତୀୟ ଗୁଳିକାଣ୍ଡ ଘଟିଛି। ଉଭୟ ଘଟଣାରେ କାହାକୁ ଗିରଫ କରାଯାଇ ନାହିଁ। ସୂଚନାଯୋଗ୍ୟ, ୫ ଦିନ ପୂବରୁ ଡର୍ବାନ ସହର ନିକଟରେ ଏକ ଗୁଳିକାଣ୍ଡରେ ୧୧ ଜଣଙ୍କ ମୃତ୍ୟୁ ଘଟିଥିଲା।
ଶନିବାର ରାତିରେ ଓ୍ବେଡେଲା ସହରରେ ଥିବା ବାର୍‌ରେ ଗୁଳିକାଣ୍ଡ ଘଟିବାରୁ ୧୭ ଜଣ ପ୍ରାଣ ହରାଇଛନ୍ତି। ଆକ୍ରମଣକାରୀ ପ୍ରଥମେ ବାର୍‌ ବାହାରେ ଥିବା ଗ୍ରାହକମାନଙ୍କୁ ଗୁଳିମାଡ଼ କରିଥିଲେ। ଏହା ପରେ ସେମାନେ ଭିତରେ ପଶି ଗୁଳିଚାଳନା ଜାରି ରଖିଥିଲେ। ମୃତକଙ୍କ ମଧ୍ୟରୁ ୧୩ ଜଣ ପୁରୁଷ ଓ ୪ ଜଣ ମହିଳା। ଏହା ବ୍ୟତୀତ ଅନ୍ୟ ୧୫ ଜଣ ଗୁଳିମାଡ଼ରେ ଆହତ ହୋଇଛନ୍ତି। ଆକ୍ରମଣକାରୀ କେତେଜଣ ଗ୍ରାହକଙ୍କୁ ଖୋଜିବା ସହ ସେମାନଙ୍କ ମୋବାଇଲ୍‌ ଫୋନ୍‌ ନେଇ ୨ଟି ଗାଡ଼ିରେ ଫେରାର ହୋଇଯାଇଥିଲେ। ଏହାର ୪ ଘଣ୍ଟା ପରେ କେପ୍‌ ଟାଉନ୍‌ ନିକଟ ଲ୍ବାଣ୍ଡଲେଠାରେ ଥିବା ଏକ ଷ୍ଟୋର୍‌ରେ ଗୁଳିକାଣ୍ଡ ଘଟି ୧୦ ଜଣଙ୍କ ମୃତ୍ୟୁ ହେବା ସହ ୧୧ ଜଣ ଆହତ ହୋଇଛନ୍ତି।

Powered by Froala Editor