ଓମିକ୍ରନ ଆତଙ୍କ ଭିତରେ ଏକ ଭଲ ଖବର ଆସିଛି  । କରୋନାର ନୂଆ ଭାରିଆଂଟ ଓମିକ୍ରନ ଏବେ ସାରା ବିଶ୍ୱରେ ଆତଙ୍କ ଖେଳାଇ ଦେଇଛି  । ଓମିକ୍ରନ ପାଇଁ ହୁ ହୁ ହୋଇ ବଢ଼ି ଚାଲିଛି କରୋନା ସଂକ୍ରମିତଙ୍କ ସଂଖ୍ୟା  । ତେବେ ଡେଲଟା ଭାରିଆଂଟ ତୁଳନାରେ ଏହା କମ ଖତରନାକ ବୋଲି ରିପୋର୍ଟ ଆସିଛି  । ଅଧ୍ୟୟନ ଅନୁଯାୟୀ, ଡେଲଟା ତୁଳନାରେ ଓମିକ୍ରନ ୭୦ ଗୁଣା ବେଗରେ ବୃଦ୍ଧି ପାଉଥିବାବେଳେ ଶ୍ୱାସନଳୀ ଉପରେ ଏହାର ପ୍ରଭାବ କିନ୍ତୁ ଡେଲଟା ତୁଳନାରେ ୧୦ ଗୁଣା କମ ରହିଛି  ।

ହଙ୍ଗକଙ୍ଗ ୟୂନିଭର୍ସିଟିର ଏକ ଅଧ୍ୟୟନ ଅନୁଯାୟୀ, ଓମିକ୍ରନ ଶ୍ୱାସନଳୀ ଉପରେ କମ ପ୍ରଭାବ ପକାଉଛି  । ଡାକ୍ତର ମାଇକେଲ ଚାନ ଚି-ୱାଇ କହିଛନ୍ତିଯେ, ଓମିକ୍ରନ ଶ୍ୱାସନଳୀ ଭିତରେ ଡେଲଟା ତୁଳନାରେ ୧୦ ଗୁଣା କମ ବେଗରେ ବୃଦ୍ଧି ପାଇଥାଏ  । ଫଳରେ ଓମିକ୍ରନ ସଂକ୍ରମଣ ଦ୍ୱାରା ଶ୍ୱାସନଳୀ ସେତେଟା କ୍ଷତିଗ୍ରସ୍ତ ହୋଇନଥାଏ । ଫଳରେ ରୋଗୀଙ୍କ ମୃତ୍ୟୁ ଆଶଙ୍କା କମ ରହିଥାଏ  । 

ସମ୍ପ୍ରତି କରୋନାର ନୂଆ ଭାରିଆଂଟ ଓମିକ୍ରନ ଯୋଗୁଁ ଅନେକ ଦେଶରେ ତୃତୀୟ ଲହରର ଆଶଙ୍କା ପ୍ରକାଶ ପାଇଛି  । ବିଶେଷକରି ଦକ୍ଷିଣ ଆଫ୍ରିକା ଓ ବ୍ରିଟେନ ଏହାଦ୍ୱାରା ବେଶୀ କ୍ଷତିଗ୍ରସ୍ତ ହୋଇଥିବା ଦେଖିବାକୁ ମିଳିଛି  । ଭାରତରେ ଏହାର ସେତେଟା ପ୍ରଭାବ ପରିଲକ୍ଷିତ ହୋଇନଥିଲେବି ୧୯ ରାଜ୍ୟରେ ଓମିକ୍ରନ ଭାରିଆଂଟ ଠାବ କରାଯାଇଛି  ।

Powered by Froala Editor