୧୭ ଛାତ୍ରୀଙ୍କୁ ନିଶା ଦେଇ ରାତି ସାରା ଅଟକ
![୧୭ ଛାତ୍ରୀଙ୍କୁ ନିଶା ଦେଇ ରାତି ସାରା ଅଟକ](https://odishanewslens.com/news_gallery/8723_1638988943.jpg)
ଗତ ନଭେମ୍ବର ୧୭ ତାରିଖରେ ଉତ୍ତରପ୍ରଦେଶର ମୁଜାଫରନଗରରେ ଏକ ବିଦ୍ୟାଳୟର ୧୭ ଜଣ ଛାତ୍ରୀଙ୍କୁ ନିଶା ଦେଇ ଅସଦାଚରଣ କରାଯାଇଥିବା ନେଇ ସଂଗୀନ ଅଭିଯୋଗ ହୋଇଛି । ମୁଜାଫରନଗରର ପୁରକଜାଇଠାରେ ଥିବା ଜିଜିଏସ ଇଣ୍ଟରନ୍ୟାସନାଲ ସ୍କୁଲରେ ଏହି ଘଟଣା ଘଟିଛି । ଛାତ୍ରୀଙ୍କୁ ଅସଦାଚରଣ କରିବା ଅଭିଯୋଗରେ ଉତ୍ତରପ୍ରଦେଶ ପୁଲିସ ଜଣେ ସ୍କୁଲ ମ୍ୟାନେଜରଙ୍କୁ ଗିରଫ କରିଛି।
ଛାତ୍ରୀମାନଙ୍କ ଅଭିଯୋଗରୁ ଜଣାଯାଇଛି ଯେ ସେମାନେ ସମସ୍ତେ ୧୦ମ ଶ୍ରେଣୀରେ ପଢୁଛନ୍ତି । ନଭେମ୍ବର ୧୮ ତାରିଖରେ ବିଦ୍ୟାଳୟର ମ୍ୟାନେଜର ସେମାନଙ୍କୁ ବିଦ୍ୟାଳୟରେ ଅଟକାଇ ରଖିବା ସହିତ ସେମାନଙ୍କର ଡାକ୍ତରୀ ପରୀକ୍ଷା କରାଯିବ ବୋଲି କହିଥିଲେ । ପରେ ସେମାନଙ୍କୁ ଖାଦ୍ୟରେ କିଛି ନିଶା ମିଶାଇ ଖାଇବାକୁ ଦିଆଯାଇଥିଲା । ସେମାନଙ୍କୁ ରାତିସାରା ରହିବାକୁ କୁହାଯାଇଥିଲା। ସେହି ରାତିରେ ସେମାନଙ୍କୁ ଅସଦାଚଣ କରିଥିଲେ। ସମ୍ପୃକ୍ତ ଛାତ୍ରୀମାନଙ୍କୁ ପର ଦିନ ସକାଳେ ଛଡ଼ା ଯାଇଥିଲା। ଏହି ଘଟଣାରେ ଅଭିଯୁକ୍ତ ଯୋଗେଶ କୁମାରଙ୍କୁ ପୁଲିସ ଗିରଫ କରି କୋର୍ଟ ଚାଲାଣ କରିଛି।
ଏହି ଛାତ୍ରୀମାନେ ଅତ୍ୟନ୍ତ ଗରିବ ପରିବାରର ହୋଇଥିବା ଜଣାପଡ଼ିଛି। ସେଦିନ ଛାତ୍ରୀମାନଙ୍କ ସହ ଯାହା ଘଟିଛି ତାହା ପ୍ରଘଟ କଲେ ସେମାନଙ୍କୁ ଜୀବନରୁ ମାରିଦେବାକୁ ଅଭିଯୁକ୍ତ ଧମକ ଦେଇଥିଲେ।
Powered by Froala Editor