ଏମ୍ବିବିଏସ୍ ପ୍ରଥମ ବର୍ଷର ୨୨ ଛାତ୍ରଛାତ୍ରୀ ପଜିଟିଭ୍
ସମ୍ୱଲପୁର: ବୁର୍ଲାରେ ପୁଣି ଚିନ୍ତା ବଢ଼ାଇଲା କରୋନା । ଭୀମସାରର ଏମ୍ବିବିଏସ୍ ପ୍ରଥମ ବର୍ଷର ୨୨ ଛାତ୍ରଛାତ୍ରୀ ପଜିଟିଭ୍ । ସମସ୍ତ ଆକ୍ରାନ୍ତଙ୍କୁ କୋଭିଡ ହସ୍ପିଟାଲରେ ଭର୍ତ୍ତି କରାଯାଇଛି । ତେବେ ସବୁଠୁ ବଡ଼ କଥା ହେଉଛି ଆକ୍ରାନ୍ତଙ୍କ ସଂଖ୍ୟା ଆଗକୁ ବଢିବା ସମ୍ଭାବନା ରହିଛି ।
ଏନେଇ ସୂଚନା ଦେଇଛନ୍ତି ଭୀମସାର ମେଡିକାଲ କଲେଜ ପ୍ରିନସିପାଲ ଡାକ୍ତର ଜୟଶ୍ରୀ କର । ରାଜ୍ୟରେ ତୃତୀୟ ଲହର ଆସିବାର ଆଶଙ୍କା ଭିତରେ ଏବଂ ପଜିଟିଭଙ୍କ ସଂଖ୍ୟା କମିବା ପରେ ସ୍କୁଲ, କଲେଜ ଖୋଲିଥିଲା ।
ରାଜ୍ୟରେ ଉପର ତଳ ହେଉଛି କରୋନା ସଂକ୍ରମଣ ଗ୍ରାଫ୍ । ୨୪ ଘଣ୍ଟାରେ ୨୧୨ ନୂଆରୋଗୀ ଚିହ୍ନଟ ହୋଇଛନ୍ତି ।ସେମାନଙ୍କ ମଧ୍ୟରୁ ୦-୧୮ ବର୍ଷ ବୟସର ୭୦ ଜଣ ନୂଆ ରୋଗୀ ଚିହ୍ନଟ ହୋଇଛନ୍ତି। ସଂକ୍ରମିତଙ୍କ ମଧ୍ୟରୁ ୧୨୩ ଜଣ କ୍ଵାରେଣ୍ଟାଇନ୍ ସେଣ୍ଟରରୁ ଓ ୮୯ ଜଣ ସ୍ଥାନୀୟ ସଂକ୍ରମିତ ଚିହ୍ନଟ ହୋଇଛନ୍ତି। ଏହାକୁ ମିଶାଇ ରାଜ୍ୟରେ ମୋଟ ଆକ୍ରାନ୍ତଙ୍କ ସଂଖ୍ୟା ୧୦୪୭୩୮୬ ଜଣକୁ ବୃଦ୍ଧି ପାଇଛି। ଏନେଇ ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ଟ୍ଵିଟ୍ ଯୋଗେ ସୂଚନା ଦିଆଯାଇଛି।
Powered by Froala Editor
