ଗାଧୋଇବା ବେଳେ ନଦୀରେ ଭାସି ଯାଇଥିଲେ, ଦୁଇ ଦିନ ପରେ ମିଳିଲା ମୃତଦେହ
ମୟୂରଭଞ୍ଜ: ମୟୂରଭଞ୍ଜ ଜିଲ୍ଲା ଯଶୀପୁର ଥାନା ଅକ୍ତାପାଳ ଗାଁ ନିକଟ ଭଣ୍ଡନ ନଦୀରେ ଭାସି ଯାଇଥିବା ବ୍ୟକ୍ତିଙ୍କ ମୃତଦେହ ଉଦ୍ଧାର କରାଯାଇଛି । ସେ ହେଲେ କେନ୍ଦୁଝର ଜିଲ୍ଲା କାଞ୍ଜିପାଣି ଥାନା ଉପରଏଡ଼ା ଗାଁର ମଞ୍ଜୁ ଭୂୟାଁ । ଦୁଇଦିନ ତଳେ ସେ ଗାଧୋଉ ଥିବା ବେଳେ ଭାସି ଯାଇଥିଲେ । ଆଜି ଗାଁ ନିକଟରେ ଜଣେ ବ୍ୟକ୍ତିଙ୍କ ମୃତଦେହ ଭାସୁଥିବା ଦେଖି ସ୍ଥାନୀୟ ଲୋକେ ପୁଲିସ୍କୁ ଖବର ଦେଇଥିଲେ । ଅଗ୍ନିଶମ ବାହିନୀ ଓ ପୁଲିସ୍ ପହଞ୍ଚି ଶବକୁ ଜବତ କରିବା ସହିତ ବ୍ୟବଚ୍ଛେଦ ନିମନ୍ତେ ପଠାଇଛି । ମଞ୍ଜୁ ନଦୀରେ ନିର୍ମାଣ ହେଉଥିବା ପୋଲ କାର୍ଯ୍ୟରେ ଶ୍ରମିକ ଭାବେ କାମ କରୁଥିଲେ । ୨୫ ତାରିଖ ଅପରାହ୍ନରେ ସେ ଗାଧୋଇବା ବେଳେ ସୁଅରେ ଭାସି ଯାଇଥିଲେ । ଦମକଳ ବିଭାଗ ବହୁ ଖୋଜାଖୋଜି କରିଥିଲେ ମଧ୍ୟ କୌଣସି ପତ୍ତା ପାଇନଥଲା । ସେପଟେ ମଞ୍ଜୁଙ୍କ ମୃତ୍ୟୁ ଖବର ପାଇବା ପରେ ଗାଁରେ ଶୋକାକୂଳ ପରିସ୍ଥିତି ସୃଷ୍ଟି ହୋଇଛି ।
Powered by Froala Editor
