କାହିଁକି ପଙ୍କରେ ଲୋଟେ ଘୁଷୁରି ଜାଣନ୍ତୁ
ସ୍ତନ୍ୟପାୟୀ ପ୍ରାଣୀମାନଙ୍କର ଶରୀରରୁ ଝାଳ ବାହାରିବା ଏକ ସ୍ୱାଭାବିକ ପ୍ରକି୍ରୟା । ଏହା ଦ୍ୱାରା ଦୁଇଟି ମୁଖ୍ୟ କାର୍ଯ୍ୟ ସାଧିତ ହୋଇଥାଏ । ପ୍ରଥମତଃ ଖାଳ ଦେଇ ରକ୍ତରେ ଥିବା ବର୍ଜ୍ୟ ବସ୍ତୁ ନିଷ୍କାସିତ ହୋଇଥାଏ । ଦ୍ୱିତୀୟରେ ଏହା ଶରୀରର ତାପମାତ୍ରା କମାଇଥାଏ । ଚର୍ମ ଉପରୁ ଝାଳ ଯେତେବେଳେ ବାଷ୍ପୀଭୂତ ହୁଏ, ସେତେବେଳେ ଆମକୁ ଥଣ୍ଡା ଲାଗେ । ଚର୍ମ ତଳେ ରହିଥିବା ସ୍ୱେଦଗ୍ରନ୍ଥି ଯୋଗୁଁ ଏପରି ଝାଳ ବାହାରିବା ସମ୍ଭବ ହୋଇଥାଏ । ମାତ୍ର ଘୁଷୁରି ଏପରି ଏକ ପ୍ରାଣୀ, ଯାହା ଶରୀରରୁ ଆଦୌ ଝାଳ ବାହାରେ ନାହିଁ । କାରଣ ଜନ୍ମରୁ ଏହାର କୌଣସି ସ୍ୱେଦଗ୍ରନ୍ଥି ନାହିଁ । ତେଣୁ କୌଣସି କାରଣରୁ ସେମାନେ ଶରୀରକୁ ଥଣ୍ଡା କରିବାକୁ ଚାହିଁଲେ, ପାଣିରେ ପଶିବା ବା କାଦୁଅପଙ୍କରେ ବୋଳି ହେବା ହିଁ ସେମାନଙ୍କ ପାଇଁ ସାର ହୋଇଥାଏ । ଏହି କାରଣରୁ ଘୁଷୁରିମାନେ ପ୍ରାୟ ଅଧିକାଂଶ ସମୟ କାଦୁଅରେ ଲଟରପଟର ହେଉଥିବା ଦେଖାଯାଏ ।
Powered by Froala Editor
