ଆଜିଠାରୁ ‘ସିବିଏସଇ ରିଡିଂ ମିସନ’, ସମସ୍ତେ ପଢ଼ିବେ ପାଠ

ଭୁବନେଶ୍ୱର: କେନ୍ଦ୍ରୀୟ ମାଧ୍ୟମିକ ଶିକ୍ଷା ପରିଷଦ (ସିବିଏସଇ) ପକ୍ଷରୁ ସିବିଏସଇ ରିଡିଂ ମିସନ ଆରମ୍ଭ ହେବ । ସବୁ ପିଲାଙ୍କୁ ସାକ୍ଷର କରିବା ଉଦ୍ଦେଶ୍ୟରେ ଆସନ୍ତା ୨୦ ତାରିଖ ଅପରାହ୍ନ ୩ଟାରେ ଏହାକୁ ଲଞ୍ଚ କରାଯିବ । ପ୍ରଥମା ବ୍ଲକ୍ସ ଷ୍ଟୋରୀ ୱିଭର ଓ ସେଣ୍ଟ୍ରାଲ ସ୍କୋୟର ଫାଉଣ୍ଡେସନର ମିଳିତ ସହଯୋଗରେ ସିବିଏସଇ ପକ୍ଷରୁ ଏହି ଅଭିଯାନ ସାରା ଦେଶରେ ଚାଲିବ ବୋଲି ସିବିଏସଇ ପକ୍ଷରୁ କୁହାଯାଇଛି । ନୂଆ ଜାତୀୟ ଶିକ୍ଷାନୀତିରେ ୨୦୨୫ ବର୍ଷ ସୁଦ୍ଧା ସବୁ ପିଲାଙ୍କୁ ସାକ୍ଷର କରିବାକୁ ଲକ୍ଷ୍ୟ ରହିଛି । ପ୍ରତ୍ୟେକ ପିଲା ଯେପରି ଭଲରେ ଅକ୍ଷର ଓ ସଂଖ୍ୟା ପଢ଼ିବେ ଓ ଲେଖିପାରିବେ ଗୁରୁତ୍ୱ ଦିଆଯାଇଛି । ଏହି ପଢ଼ିବା ଅଭିଯାନ ଆରମ୍ଭ ହେବା ପରେ ପିଲାଙ୍କ ପଠନ ଆଗ୍ରହକୁ ବୃଦ୍ଧି ସହ ସେମାନଙ୍କ ଶିକ୍ଷାର ମୂଳଦୁଆକୁ ସୁଦୃଢ଼ କରାଯିବ । ଏହା ଦ୍ୱାରା ପିଲାମାନେ ଭାଷା ଓ ସଂଖ୍ୟା ପଢ଼ିବାରେ ଆଉ ଅସୁବିଧାର ସମ୍ମୁଖୀନ ହେବନି । ସ୍କୁଲ କର୍ତ୍ତୃପକ୍ଷ ଓ ଶିକ୍ଷକମାନେ ଇଂରାଜୀ ଓ ହିନ୍ଦୀ ଗପ ବହି ଏବଂ ପ୍ରଥମରୁ ସପ୍ତମ ଶ୍ରେଣୀର ପଢ଼ା ବହିକୁ ସଂଗ୍ରହ କରିବେ । ପିଲାଙ୍କୁ ଉଭୟ ହିନ୍ଦୀ ଓ ଇଂରାଜୀରେ ସୁଦୃଢ଼ କରାଇବେ ।
Powered by Froala Editor