ଆଜି ବସିବ କେନ୍ଦ୍ର କ୍ୟାବିନେଟ ବୈଠକ
ନୂଆଦିଲ୍ଲୀ: ବୁଧବାର ହେବାକୁ ଯାଉଛି କେନ୍ଦ୍ର କ୍ୟାବିନେଟର ଗୁରୁତ୍ବପୂର୍ଣ୍ଣ ବୈଠକ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅଧ୍ୟକ୍ଷତାରେ ଏହି ବୈଠକ ଅନୁଷ୍ଠିତ ହେବ । ପ୍ରଧାନମନ୍ତ୍ରୀଙ୍କ ସମେତ ଗୃହମନ୍ତ୍ରୀ ଅମିତ ଶାହ, ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଓ ବିଜେପିର ତମାମ ବଡମନ୍ତ୍ରୀ ଏହି ବୈଠକରେ ଉପସ୍ଥିତ ରହିବେ ।
ମନ୍ତ୍ରୀମଣ୍ଡଳ ବୈଠକରେ ଆଫଗାନିସ୍ତାନରେ ତାଲିବାନର କବଜା ପରେ କାଶ୍ମୀରର ସ୍ଥିତି ଆଲୋଚନାର ମୁଖ୍ୟ ବିଷୟ ରହିପାରେ । ସେହିପରି ଚାଷୀ ଆନ୍ଦୋଳନ ଓ କୃଷି ଆଇନ ଉପରେ ମଧ୍ୟ ବୈଠକରେ ଆଲୋଚନା ହୋଇପାରେ ବୋଲି ଅନୁମାନ କରାଯାଉଛି ।ଦେଶରେ କୃଷି ଆଇନ ବିରୋଧରେ କ୍ରମାଗତ ବଢି ଚାଲିଛି ଚାଷୀ ଆନ୍ଦୋଳନ । ଭାରତ ବନ୍ଦ ଡାକରା ଦେଇଛନ୍ତି ଚାଷୀ । ସେପଟେ କୋରୋନାର ତୃତୀୟ ଲହରୀ ଆଶଙ୍କାକୁ ଦୃଷ୍ଟିରେ ରଖି ଆଗୁଆ ପ୍ରସ୍ତୁତି ଉପରେ ସରକାର ଅଧିକ ଗୁରୁତ୍ବ ଦେଉଛନ୍ତି ।
Powered by Froala Editor
