ଡାହାଣୀ ସନ୍ଦେହ: ବୃଦ୍ଧାଙ୍କୁ ଲୁହା ରଡ୍ରେ ପିଟି ମାରିଦେଲା ନାବାଳକ
ଡାହାଣୀ ସନ୍ଦେହରେ ଜଣେ ବୃଦ୍ଧାଙ୍କୁ ଲୁହା ରଡ୍ରେ ପିଟି ପିଟି ହତ୍ୟା କରିଛି ନାବାଳକ । କେନ୍ଦୁଝର ଜିଲ୍ଲା ବାଂଶପାଳ ବ୍ଲକ କାଞ୍ଜିପାଣି ଥାନା ପଦା କସଡା ଗ୍ରାମରେ ଏହି ଅଭାବନୀୟ ଘଟଣା ଘଟିଛି । ଗ୍ରାମର ଜାନକୀ ମୁଣ୍ଡା (୬୦) ଙ୍କୁ ନିର୍ମମ ଭାବେ ହତ୍ୟା କରାଯାଇଥିବା ଅଭିଯୋଗ ହୋଇଛି ।
ସୂଚନାନୁସାରେ, ଗତ ୩/୪ ଦିନ ତଳେ ଅଭିଯୁକ୍ତ ନାବାଳକ ଓ କିଛି ଯୁବକ ମୃତ ଜାନକୀଙ୍କୁ ଗାଁ ପାଖରେ ଝୁଲୁ ଥିବାର ଦେଖିଥିଲେ । ତେବେ ଝୁଲୁଥିବାର ଦେଖି ଜାନକୀ ଡାହାଣୀ ହୋଇଥିବା ସନ୍ଦେହ କରିଥିଲେ । ଗତ ରବିବାର ନାବାଳକ ଜାନକୀକୁ ଘରେ ଏକୁଟିଆ ପାଇ ଘର ବାହାରୁ କବାଟ ବନ୍ଦ କରିଦେଇ ଏକ ଲୁହା ରଡ୍ରେ ଅତି ନିର୍ମମ ଭାବେ ପିଟି ପିଟି ହତ୍ୟା କରିଥିଲା । ଗତ ରବିବାର ଠାରୁ ଜାନକୀ ଗୁରୁତର ହୋଇ ଘର ଭିତରେ ପଡି ରହିଥିଲେ । ଫଳରେ ଗତ କାଲି ତାଙ୍କର ମୃତ୍ୟୁ ଘଟିଥିଲା । ଗତ କାଲି ସନ୍ଧ୍ୟାରେ ଗ୍ରାମବାସୀ କାଞ୍ଜିପାଣି ପୋଲିସକୁ ଖବର ଦେବା ପରେ ପୋଲିସ ଘଟଣା ସ୍ଥଳରେ ପଂହଁଚି ମୃତଦେହ କୁ ଜବତ କରି ନାବାଳକକୁ ଥାନାରେ ଅଟକ ରଖି ତଦନ୍ତ କରୁଛି । ହତ୍ୟାରେ ବ୍ୟବହୃତ ଲୁହା ରଡ୍କୁ ପୋଲିସ ଜବତ କରିଛି ।
Powered by Froala Editor
