ମୁଖ୍ୟମନ୍ତ୍ରୀ ସି. ଜୋସେଫ ବିଜୟ ଏବେ ପ୍ରତ୍ୟେକ ନବଜାତ ଶିଶୁକୁ ଏକ ସୁନା ମୁଦି ପ୍ରଦାନ କରିବାକୁ ଘୋଷଣା କରିଛନ୍ତି । ବର୍ତ୍ତମାନର ମୂଲ୍ୟ ଅନୁସାରେ, ଏହି ମୁଦିର ମୂଲ୍ୟ ୧୩,୬୦୦ ଟଙ୍କା ରହିବ । ‘ଥାଇମାମାନ ଦ୍ରଷ୍ଟବ୍ୟ’ (ମାମୁଁଙ୍କ ଠାରୁ ଏକ ଉପହାର) ଭାବରେ ପରିଚିତ ସାଂସ୍କୃତିକ ପରମ୍ପରା ଅନୁସାରେ ନବଜାତ ଶିଶୁକୁ ସ୍ୱାଗତ କରିବା ଏବଂ ପରିବାରକୁ ଆଶୀର୍ବାଦ କରିବା ପାଇଁ ଏହାକୁ ଉପହାର ଦିଆଯିବ। ଏକ ସରକାରୀ ନିର୍ଦ୍ଦେଶରେ କୁହାଯାଇଛି, “ଏହି ଯୋଜନା ମାଧ୍ୟମରେ, ସରକାର ନିଜ ପ୍ରତିଷ୍ଠାନରେ ଜନ୍ମିତ ପ୍ରତ୍ୟେକ ଶିଶୁ ପାଇଁ ‘ମାମୁଁ’ର ଭୂମିକା ଗ୍ରହଣ କରିବେ ଏବଂ ସ୍ୱାଗତର ଏକ ଚିହ୍ନ ସ୍ୱରୂପ ଏକ ସୁନା ମୁଦି ଉପହାର ଦେବେ ।”

ମୁଖ୍ୟମନ୍ତ୍ରୀ ବିଜୟ ଏହି ପଦକ୍ଷେପ ପାଇଁ ଏକ ସ୍ୱତନ୍ତ୍ର ଦଳ ଗଠନ କରୁଛନ୍ତି । ସରକାର ‘ଥାଇମମନ ଗୋଲ୍ଡ ରିଙ୍ଗ ସ୍କିମର କାର୍ଯ୍ୟାନ୍ୱୟନ, ତଦାରଖ ଏବଂ ପରିଚାଳନା ପାଇଁ ଏକ ‘ରାଜ୍ୟ ପ୍ରକଳ୍ପ/କାର୍ଯ୍ୟକ୍ରମ ପରିଚାଳନା ୟୁନିଟ୍’ ପ୍ରତିଷ୍ଠା କରିବେ, ଯାହା ସେପ୍ଟେମ୍ବର ୧୫ ରେ ଆରମ୍ଭ ହେବାକୁ ଯାଉଛି ।

୨୩ ଏପ୍ରିଲ ବିଧାନସଭା ନିର୍ବାଚନ ପୂର୍ବରୁ, ମୁଖ୍ୟମନ୍ତ୍ରୀ ବିଜୟ ରାଜ୍ୟରେ ଜନ୍ମିତ ପ୍ରତ୍ୟେକ ଶିଶୁକୁ ଏକ ସୁନା ମୁଦି ଉପହାର ଦେବାକୁ ପ୍ରତିଶ୍ରୁତି ଦେଇଥିଲେ। ୨୩ ଜୁନ୍ ରେ ଜାରି ହୋଇଥିବା ଏକ ସରକାରୀ ଆଦେଶରେ କୁହାଯାଇଛି ଯେ ସରକାରୀ ଚିକିତ୍ସା ପ୍ରତିଷ୍ଠାନରେ ଜନ୍ମିତ ଶିଶୁଙ୍କ ପାଇଁ ଏକ ଗ୍ରାମ ସୁନା ମୁଦି – ‘ଥାଇମାମାନ ଥାଙ୍ଗା ମୋଥିରାମ ଥିଟ୍ଟମ୍’ ଯୋଜନା ଅଧୀନରେ ପ୍ରଦାନ କରାଯାଇଛି। ୧୫ ସେପ୍ଟେମ୍ବରରେ ଆନୁଷ୍ଠାନିକ ଭାବରେ ଏହି ଯୋଜନା ଆରମ୍ଭ କରିବେ ।

Powered by Froala Editor