ମନଇଚ୍ଛା ଖବର ପ୍ରସାରଣ କରୁଛନ୍ତି ୱେବ୍ ପୋର୍ଟାଲ ଓ ୟୁଟ୍ୟୁବ୍ ଚ୍ୟାନେଲ: ଉଦ୍ବେଗ ପ୍ରକାଶ କଲେ ସୁପ୍ରିମକୋର୍ଟ
ଫେକ୍ ନ୍ୟୁଜ୍ ପରିବେଷଣ କରିବା ସହ ସମ୍ମାନହାନୀ କରିଚାଲୁଥିବା ‘ୱେବ୍ ପୋର୍ଟାଲ୍’ ଏବଂ ‘ୟୁଟ୍ୟୁବ୍ ଚାନେଲ୍’ ଗୁଡ଼ିକର କାର୍ଯ୍ୟକଳାପ ଉପରେ ସୁପ୍ରିମ୍ କୋର୍ଟ ଗଭୀର ଉଦ୍ବେଗ ପ୍ରକାଶ କରିଛନ୍ତି। ପ୍ରଧାନ ବିଚାରପତି(ସିଜେଆଇ) ଏନଭି ରମନ୍ କଡା ପ୍ରତିକ୍ରିୟା ଦେଇଛନ୍ତି। ସେ କହିଛନ୍ତି, ଓ୍ବେବ ପୋର୍ଟାଲ ଉପରେ କାହାର ନିୟନ୍ତ୍ରଣ ନାହିଁ। କିଛି ବି ମନ ଇଛା ଖବର ଦେଖାଉଛନ୍ତି। ଏଭଳି ରିପୋର୍ଟ ଦେଶର ଛବି ଖରାପ କରିପାରେ।
ଭାରତର ପ୍ରଧାନ ବିଚାରପତି ରମନା, ବିଚାରପତି ସୂର୍ଯ୍ୟକାନ୍ତ ଓ ବିଚାପତି ଏ. ଏସ୍. ବୋପନ୍ନାଙ୍କୁ ନେଇ ଗଠିତ ଖଣ୍ଡପୀଠ ଆହୁରି ମଧ୍ୟ କହିଛନ୍ତି, ମିଥ୍ୟା ଖବର ପ୍ରସାରଣ ଏବଂ ୱେବ୍ ପୋର୍ଟାଲ୍ ଓ ୟୁଟ୍ୟୁବ୍ ଚାନେଲ୍ ଉପରେ କୌଣସି ନିୟନ୍ତ୍ରଣ ନାହିଁ। ୟୁଟ୍ୟୁବ୍ ଚାନେଲ୍ ଖୋଲିଲେ ଜାଣିପାରିବେ ମିଥ୍ୟା ଖବର କେମିତି ଅବାଧରେ ପ୍ରସାରିତ ହୋଇଚାଲୁଛି। ସେହିପରି, ଯେ କେହି ମଧ୍ୟ ‘ୟୁଟ୍ୟୁବ୍’ରେ ଚାନେଲ୍ ଚଳାଇ ପାରୁଛି।
ସିଜେଆଇର ପ୍ରଶ୍ନର ଉତ୍ତରରେ ଆଡିସନାଲ ସିଲିସିଟର ଜେନେରାଲ (ଏଏସଜି) ତୁଷାର ମେହେଟ୍ଟା କହିଛନ୍ତି, ୱେବ୍ ପୋର୍ଟାଲ୍ ପାଇଁ ସରକାର ନିୟମ ତିଆରି କରିଛନ୍ତି। ଏହାକୁ ସୁପ୍ରିମକୋର୍ଟରେ ଚ୍ୟାଲେଞ୍ଜ ଦିଆଯାଇଛି ଓ ମାମଲାର ଶୁଣାଣି ଜାରି ରହିଛି। ଶୁଣାଣି ବେଳେ ଏଏସଜି କହିଛନ୍ତି, ଦୟାକରି ମୋତେ ୨ ସପ୍ତାହର ସମୟ ଦିଅନ୍ତୁ। ଆମକୁ ଏକ ଦସ୍ତାବିଜ ଦାଖଲ କରିବାର ଆବଶ୍ୟକତା ରହିଛି। ଏହା ଉପରେ ସିଜେଆଇ କହିଥିଲେ, ଆପଣ ପୂର୍ବରୁ ହିଁ ୪ ଥର ଦସ୍ତାବିଜ ଦାଖଲ କରିବାକୁ ସମୟ ନେଇ ସାରିଛନ୍ତି। ଏହାର ଉତ୍ତରରେ ଏଏସଜି କହିଛନ୍ତି, କିନ୍ତୁ ଗୋଟିଏ ମାମଲାରେ ଦସ୍ତାବିଜ ଦାଖଲ କରିବାର ଆବଶ୍ୟକତା ରହିଛି।
ଏହା ବ୍ୟତିରେକେ, ‘କେବଲ୍ ରୁଲ୍ସ୍ ଆମେଣ୍ଡମେଣ୍ଟ୍’ ବିରୋଧରେ ‘ଏନ୍ବିଏସ୍ଏ’ ଫାଇଲ୍ କରିଥିବା ପିଟିସନ୍ର ମଧ୍ୟ ସୁପ୍ରିମ୍ କୋର୍ଟ ଶୁଣାଣି କରିବେ। ୬ ସପ୍ତାହ ପରେ ତାହାର ଶୁଣାଣି ହେବ ବୋଲି ସୁପ୍ରିମକୋର୍ଟ କହିଛନ୍ତି।
Powered by Froala Editor
