୧୫ ପରେ ପରେ ପ୍ରବଳ ବର୍ଷା
ଭୁବନେଶ୍ୱର : ବଙ୍ଗୋପସାଗରରେ ଘୂର୍ଣ୍ଣିବଳୟ । ଧୀରେ ଧୀରେ ଏହା ଲଘୁଚାପର ରୂପ ନେବ । ଏହାର ପ୍ରଭାବରେ ଆସନ୍ତା ୧୫ ପରେ ତାରିଖ ପରେ ପ୍ରବଳ ବର୍ଷା ହେବାର ସମ୍ଭାବନା ରହିଛି । ଏନେଇ ଆଇଏମ୍ଡି ଡିଜି ମୃତ୍ୟୁଞ୍ଜୟ ମହାପାତ୍ର ସୂଚନା ଦେଇଛନ୍ତି ।
ସେ କହିଛନ୍ତି ଯେ, ବଙ୍ଗୋପସାଗରରେ ଲଘୁଚାପ ହେଲେ ରାଜ୍ୟର ବିଭିନ୍ନ ସ୍ଥାନରେ ବର୍ଷା ହେବ । କିନ୍ତୁ ଅଗଷ୍ଟ ମାସରେ ଏପର୍ୟ୍ୟନ୍ତ କୌଣସି ଲଘୁଚାପ ସୃଷ୍ଟି ହୋଇନି । ଫଳରେ ବର୍ଷାର ପରିମାଣ କମ ରହୁଛି । ତେବେ ୧୫ରୁ ବର୍ଷାର ପରିମାଣ ବଢିବା ସହ ନିଆଣ୍ଟିଆ ବର୍ଷାର ଅଭାବ ପୂରଣ ହୋଇପାରେ ବୋଲି ସେ ଅନୁମାନ କରିଛନ୍ତି ।
ଚଳିତ ବର୍ଷ ଜୁଲାଇ ପର୍ୟ୍ୟନ୍ତ ମୌସୁମୀ ବର୍ଷା ସ୍ୱାଭାବିକ ଥିବା ବେଳେ ଅଗଷ୍ଟ ମାସ ପ୍ରଥମ ଦୁଇ ସପ୍ତାହରେ ନିଅଣ୍ଟିଆ ବର୍ଷା ହୋଇଛି । ଫଳରେ ଓଡ଼ିଶା ସମେତ କେତେକ ରାଜ୍ୟରେ ମରୁଡ଼ି ଆଶଙ୍କା ଦେଖାଦେଇଛି । ତେବେ ଖୁବଶୀଘ୍ର ସ୍ଥିତିରେ ଉନ୍ନତି ଆସିବାର ସମ୍ଭାବନା ରହିଛି ।
Powered by Froala Editor
