ଦିନକରେ ଦେଶରେ ୪୧ ହଜାର ସଂକ୍ରମିତ ଚିହ୍ନଟ
ନୂଆଦିଲ୍ଲୀ: ବର୍ତ୍ତମାନ ଦେଶରେ ଦୈନିକ କରୋନା ସଂକ୍ରମଣ ୪୦ ହଜାର ଉପରେ ରହୁଛି। ଗତ ୨୪ ଘଣ୍ଟାରେ ଦେଶରେ ୪୧ ହଜାର ୧୯୫ କରୋନା ସଂକ୍ରମିତ ଚିହ୍ନଟ ହୋଇଛନ୍ତି। ଏଥିସହିତ ଗୋଟିଏ ଦିନରେ ୪୯୦ ଜଣକ ମୃତ୍ୟୁ ହୋଇଥିବାବେଳେ ୩୯ ହଜାର ୬୯ ଜଣ କରୋନାରେ ସୁସ୍ଥ ହୋଇଛନ୍ତି।
ସୂଚନା ମୁତାବକ କେରଳରେ ଅଧିକ ସଂକ୍ରମିତ ଚିହ୍ନଟ ହେଉଛନ୍ତି। ୨୪ ଘଣ୍ଟାରେ କେରଳରେ ୨୩ ହଜାର ୫୦୦ ନୂଆ ମାମଲା ସାମ୍ନାକୁ ଆସିଛି। ଯାହାକି ଚିନ୍ତାର କାରଣ ପାଲଟିଛି। ଦେଶରେ କରୋନାରେ ମୃତ୍ୟୁ ହାର ୧.୩୪ ପ୍ରତିଶତ ଥିବାବେଳେ ଆରୋଗ୍ୟ ହାର ୯୭. ୪୫ ପ୍ରତିଶତ ରହିଛି। ସେହିଭଳି ଆକଟିଭ୍ କେସ୍ ରହିଛି ୧.୨୧ ପ୍ରତିଶତ। ଦେଶରେ ୫୨ କୋଟିରୁ ଅଧିକ ଲୋକେ ଟିକାକରଣ ଅଭିଯାନରେ ସାମିଲ ହୋଇଥିବା କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟ ପକ୍ଷରୁ ସୂଚନା ଦିଆଯାଇଛି।
Powered by Froala Editor