ସଫାରୀରେ କାମ କରୁଥିଲେ ମହିଳା, ଝୁଣି ଖାଇଲା ବାଘ
ସଫାରୀରେ କାମ କରୁଥିବା ଜଣେ ମହିଳାଙ୍କୁ ଝୁଣି ମାରିଦେଇଛି ବାଘ । ଚିଲୀରେ ଥିବା ଏକ ସଫାରୀରେ ଏ ଭୟଙ୍କର କାଣ୍ଡ ଘଟିଛି । ସଫାରୀ ପାର୍କରେ କାମ କରୁଥିବା ଜଣେ ମହିଳାଙ୍କ ଉପରେ ହଠାତ ଏକ ବାଘ ଆକ୍ରମଣ କରିଥିଲା । ଯାହା ଫଳରେ ଉକ୍ତ ମହିଳାଙ୍କ ମୃତ୍ୟୁ ହୋଇଥିବା ଜଣାପଡିଛି । ବାଘଟି ମହିଳାଙ୍କ ଉପରେ ଏପରି ଆକ୍ରମଣ କରିଥିଲା, ପୁଲିସକୁ ମଧ୍ୟ ଚିହ୍ନଟ କରିବାକୁ କଷ୍ଟସାଧ୍ୟ ହୋଇପଡିଥିଲା । ଏହି ଘଟଣାକୁ ନେଇ ଅଧିକାରୀଙ୍କ କହିବାନୁଯାୟୀ, ବାଘ ଆକ୍ରମଣରେ ମୃତ୍ୟୁ ବରଣ କରିଥିବା ମହିଳାଙ୍କର ବେକରେ ଦାଗ ରହିଛି । ବାଘ ଆକ୍ରମଣରେ ମହିଳା ସମ୍ପୂର୍ଣ୍ଣ ଭାବେ ଗୁରୁତର ହୋଇଥିଲେ । ତାଙ୍କ ଅବସ୍ଥାରେ ଗୁରୁତର ଥିବାରୁ ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଥିଲା ।
ସଫାରୀ ପାର୍କରେ ପର୍ଯ୍ୟଟକ ସୁରକ୍ଷିତ ଭାବେ ଗାଡି ଭିତରେ ବନ୍ୟ ଜୀବଜନ୍ତୁଙ୍କୁ ଦେଖିଥାଆନ୍ତି । ସେଠାରେ ବାଘ, ସିଂହ ମୁକ୍ତ ଭାବେ ବିଚରଣ କରୁଥାଆନ୍ତି । ମାତ୍ର ଯେଉଁ ସମୟରେ ଜଙ୍ଗଲରେ କର୍ମଚାରୀ କାମ କରିଥାଆନ୍ତି , ସେହି ସମୟରେ ଜନ୍ତୁମାନଙ୍କୁ ଏନକ୍ଲୋଜରରେ ବନ୍ଦ ରଖାଯାଏ । ଅଧିକାରୀଙ୍କ କହିବାନୁଯାୟୀ, ମହିଳା ଜାଣିନଥିଲେ ବାଘର ପିଞ୍ଜରାର ଦ୍ୱାର ଖୋଲା ରହିଥିଲା । ବାଘ ତୁରନ୍ତ ମହିଳାଙ୍କ ଉପରେ ଆକ୍ରମଣ କରିଥିଲା ।
Powered by Froala Editor
