ନୂଆଦିଲ୍ଲୀ: ଇସ୍ରାଏଲୀ ସ୍ପାଇୱେର ପେଗାସସ ଜରିଆରେ ଗୁଇନ୍ଦାଗିରି କରାଯିବା ମାମଲା ସହ ଜଡ଼ିତ ୯ଟି ଆବେଦନ ସମ୍ପର୍କରେ ମଙ୍ଗଳବାର ସୁପି୍ରମକୋର୍ଟ ଶୁଣାଣି ହୋଇଥିଲା । ଏହି ସମୟରେ ସଲିସିଟର ଜେନେରାଲ ତୁଷାର ମେହତା ସରକାରଙ୍କ ଜବାବ ଦାଖଲ କରିବା ଲାଗି ଆଉ ଅଧିକ ସମୟ ମାଗିଥିଲେ । ଏହା ପରେ କୋର୍ଟ ମାମଲାର ଶୁଣାଣିକୁ ଅଗଷ୍ଟ ୧୬ ତାରିଖକୁ ଘୁଞ୍ଚାଇ ଦେଇଛନ୍ତି । ତେବେ ଏହି ମାମଲାକୁ ନେଇ ସୋସିଆଲ ମିଡିଆ ଓ ୱେବସାଇଟଗୁଡ଼ିକରେ ଚାଲୁଥିବା ବିତର୍କ ସମ୍ପର୍କରେ ପ୍ରଧାନବିଚାରପତି ଜଷ୍ଟିସ ଏନ.ଭି ରମନ୍ନା ଆପତ୍ତି ପ୍ରକାଶ କରିଛନ୍ତି । ଆବେଦନକାରୀମାନଙ୍କୁ ଅନୁଶାସନ ପାଳନ କରିବା ଲାଗି ସେ ତାଗିଦ କରିଛନ୍ତି । ଆବେଦନକାରୀମାନଙ୍କୁ ପ୍ରଧାନ ବିଚାରପତି କହିଛନ୍ତି, କେହି ସୀମା ପାର କରିବା କଥା ନୁହେଁ । ସମସ୍ତଙ୍କ କଥା ଶୁଣାଯିବ । ଆମେ ବିତର୍କର ବିପକ୍ଷରେ ନାହୁଁ, ହେଲେ ମାମଲା ଯେତେବେଳେ କୋର୍ଟରେ ଅଛି, ସେତେବେଳେ ଏଥିନେଇ ବାହାରେ ବିତର୍କ ହେବା ଅନୁଚିତ । ସୋସିଆଲ ମିଡିଆ ବଦଳରେ ବିତର୍କର ଉଚିତ ମାଧ୍ୟମ ବାଛନ୍ତୁ ଏବଂ ବ୍ୟବସ୍ଥାର କିଛି ସମ୍ମାନ କରନ୍ତୁ । ସୂଚନାଥାଉ କି, ପେଗାସସ ମାମଲାରେ ସାମ୍ବାଦିକ, ଓକିଲ, ସାମାଜିକ କର୍ମକର୍ତ୍ତା ଓ ଏଡିଟର୍ସ ଗିଲଡ ଅଫ ଇଣ୍ଡିଆ ପକ୍ଷରୁ ଆବେଦନ କରାଯାଇ ଏସଆଇଟି ତଦନ୍ତ ପାଇଁ ଦାବି କରାଯାଇଛି ।

Powered by Froala Editor