ମହାସାଗର ଭିତରେ ଶକ୍ତି ବଢାଉଛି ଭାରତ ସେନା । ଭାରତ ମହାସାଗର ମଧ୍ୟରେ ତିଆରି କରିଛି ସିକ୍ରେଟ ବିଶାଳ ସେନା ଆଡ୍ଡା । ଅନ୍ତରାଷ୍ଟ୍ରୀୟ ଗଣମାଧ୍ୟମ ଅଲ ଜଜିରାର ଏକ ରିପୋର୍ଟ ଆଧାରରେ ଏଭଳି ଦାବି କରିଛି।

ଅଲ ଜଜିରାର ତଥ୍ୟ ମୁତାବକ, ମରିସସ୍ ଠାରୁ ୧୧୦୦ କିଲୋମିଟର ଦୂର ଅଗାଲେଗା ଦ୍ୱୀପରେ ଭାରତ ନିଜ ସୈନ୍ୟ ଆଡ୍ଡା ନିର୍ମାଣ କରୁଛି। ସାଟେଲାଇଟ୍ ଇମେଜରୁ ଭାରତୀୟ ସେନାର ଏହି ନିର୍ମାଣ କାର୍ଯ୍ୟ ସ୍ପଷ୍ଟ ହୋଇଛି। ଏଠାରେ ଭାରତ ୩ କିଲୋମିଟର ଲମ୍ବ ଅନ୍ତରାଷ୍ଟ୍ରିୟ ସ୍ତରୀୟ ବିମାନ ବନ୍ଦର ନିର୍ମାଣ କରୁଛି, ଯାହା ଦ୍ୱାରା ଭାରତୀୟ ବାୟୁ ସେନାର ଲଢୁଆ ବିମାନ ଏଠାରେ ସହଜରେ ଅବତରଣ କରିପାରିବ।

ଅଗାଲେଗା ଭାରତ ମହାସାଗରରେ ଥିବା ମରିଶସ୍‌ର ନିୟନ୍ତ୍ରଣରେ ଥିବା ଏକ ଛୋଟ ଦ୍ବୀପ। ଅଗାଲେଗା ମୁଖ୍ୟ ମରିଶସ୍‌ ଦ୍ବୀପଠାରୁ ପ୍ରାୟ ୧୦୦୦ କିଲୋମିଟର ଦୂର ଉତ୍ତରରେ ରହିଛି। ଏହା ୧୨ କିଲୋମିଟର ଲମ୍ବା ଓ ପ୍ରାୟ ୧.୫ କିଲୋମିଟର ଚଉଡା। ସେଠାର ଜନସଂଖ୍ୟା ବହୁତ କମ୍। ଏକ ଅନୁମାନ ଅନୁସାରେ, ସେଠାରେ ମାତ୍ର ୩୦୦-୩୫୦ ଲୋକ ରୁହନ୍ତି।

ସବୁଠାରୁ ବଡ କଥା ଏହା ଯେ, ଅଗାଲେଗା ଦ୍ବୀପ ଯେଉଁଠାରେ ରହିଛି ସେହି କ୍ଷେତ୍ରରେ ଆମେରିକା ସେନା ଆଡ୍ଡା ଡିଏଗୋ ଗାର୍ସିୟା, ଚୀନର ସେନା ଆଡ୍ଡା ଜିବୁତି, ଫ୍ରାନ୍ସର ମିଲିଟାରୀ ବେସ୍ ରିୟୁନିୟୋରେ ରହିଛି। ଏହି ସମସ୍ତ ସେନା ଆଡ୍ଡ ସମୁଦ୍ର ଭିତରେ ରହିଛି। 

ଏବେ ଭାରତ ଦ୍ୱୀପ କୂଳରେ ଜାହଜ ଏବଂ ବୋଟଗୁଡିକୁ ଅଟକାଇବା ପାଇଁ ଜରୁରୀ ଇନ୍‌ଫ୍ରାଷ୍ଟ୍ରକ୍‌ଚର ନର୍ମାଣ କରୁଛି । P-8I ଭାରତୀୟ ସାମୁଦ୍ରିକ ପାଟ୍ରୋଲିଂ ବିମାନ ଦ୍ୱାରା ଏଠାରେ ସର୍ଭେଲାନ୍ସ କାର୍ଯ୍ୟ କରାଯିବ।  ସମୁଦ୍ର ପଥରେ ଆମେରିକା, ଚିନ୍, ବ୍ରିଟେନ୍ ଓ ଫ୍ରାନ୍ସ ପରି ସୁପର ପାୱାରମାନଙ୍କର ଶକ୍ତି ପ୍ରଦର୍ଶନ ପରେ ଏବେ ଏହି ପାୱାର ଗେମରେ ଭାରତ ମଧ୍ୟ ସାମିଲ ହେବାକୁ ଯାଉଛି।

Powered by Froala Editor