ଆଫଗାନ-ଆମେରିକାର ମିଳିତ ଆକ୍ରମଣ, ୫୭୨ ତାଲିବାନୀ ନିପାତ
କାବୁଲ: ଆଫଗାନିସ୍ତାନର ଗୁରୁତ୍ୱପୂର୍ଣ୍ଣ ସହରଗୁଡ଼ିକୁ ତାଲିବାନ ଆତଙ୍କବାଦୀଙ୍କ କବଜାରୁ ମୁକ୍ତ କରିବା ପାଇଁ ଆଫଗାନ ଏବଂ ଆମେରିକା ସେନା ବଡ଼ ଧରଣର ସାମରିକ କାର୍ଯ୍ୟାନୁଷ୍ଠାନ ଆରମ୍ଭ କରିଛନ୍ତି । ଆମେରିକାର ଶକ୍ତିଶାଳୀ ବୋମା ବର୍ଷା ବିମାନ ଗୁଡ଼ିକୁ ଏହି ଅଭିଯାନରେ ସାମିଲ କରାଯାଇଛି । ବିଗତ ୨୪ ଘଣ୍ଟାରେ ହୋଇଥିବା କାର୍ଯ୍ୟାନୁଷ୍ଠାନରେ ୫୭୨ ତାଲିବାନ ଆତଙ୍କବାଦୀ ନିହତ ହୋଇଛନ୍ତି ଏବଂ ୩୦୦ ରୁ ଅଧିକ ଆହତ ହୋଇଛନ୍ତି ବୋଲି ଆଫଗାନ ପ୍ରତିରକ୍ଷା ମନ୍ତ୍ରାଳୟ ପକ୍ଷରୁ ଜାରି ବିବୃତିରେ କୁହାଯାଇଛି । ମିଳିତ ବାହିନୀ ନଙ୍ଗରହାର, ଗଜନି, ପାକଟିକା, କାନ୍ଦାହାର, ହେରାତ, ଫରାହ, ଫରୟାବ, ତକହାର ଆଦି ଅଞ୍ଚଳରେ ଥିବା ତାଲିବାନ ଶିବିର ଗୁଡ଼ିକୁ ଛାରଖାର କରିଦେଇଛନ୍ତି । ସପ୍ତାହକ ମଧ୍ୟରେ ଅନେକ ଅଞ୍ଚଳକୁ ଆଫଗାନ ସେନା ପୁନଃ ଦଖଲ କରିବାରେ ସକ୍ଷମ ହୋଇଛି ।
Powered by Froala Editor
