ଭୟଙ୍କର ସଡ଼କ ଦୁର୍ଘଟଣା, ୮ ମୃତ
ଗାନ୍ଧୀନଗର: ଗୁଜୁରାଟର ଆମରେଲି ଭୟଙ୍କର ସଡ଼କ ଦୁର୍ଘଟଣା, ଯେଉଁଥିରେ ଅତି କମରେ ୮ ଜଣଙ୍କର ମୃତ୍ୟୁ ହୋଇଛି । ମୃତକ ସମସ୍ତେ ଗୋଟିଏ ପରିବାରର । ଏହି ଦୁର୍ଘଟଣାରେ ୪ ଜଣ ଆହତ ମଧ୍ୟ ହୋଇଛନ୍ତି ।
ସୂଚନାନୁସାରେ, ଆମରେଲି ଜିଲ୍ଲାର ସାବରକୁଣ୍ଡଲାର ବାଢଦା ଗ୍ରାମ ନିକଟରେ ରାସ୍ତା କଡ଼ରେ ଏକ ପରିବାର ଶୋଇଥିବା ବେଳେ ହଠାତ୍ ଏକ ଟ୍ରକ୍ ସେମାନଙ୍କ ଉପରେ ମାଡ଼ିଯାଇଥିଲା । ଏହି କାରଣରୁ ଘଟଣାସ୍ଥଳରେ ୮ ଜଣଙ୍କର ମୃତ୍ୟୁ ହୋଇଥିବା ବେଳେ ୪ରୁ ଅଧିକଙ୍କୁ ଗୁରୁତର ଅବସ୍ଥାରେ ଚିକିତ୍ସା ପାଇଁ ଡାକ୍ତରଖାନାରେ ଭର୍ତ୍ତି କରାଯାଇଛି । ତେବେ ମୃତକଙ୍କ ମଧ୍ୟରେ ୮ ଏବଂ ୧୩ ବର୍ଷ ବୟସର ଦୁଇ ପିଲା ଏବଂ ଦୁଇଜଣ ବୃଦ୍ଧ ବ୍ୟକ୍ତି ଅଛନ୍ତି । ଏହି ଟ୍ରକଟି ନିୟନ୍ତ୍ରଣ ହରାଇ ରାସ୍ତା କଡ଼ରେ ଥିବା ଏକ ଝୁମ୍ପୁଡ଼ି ଉପରେ ମାଡିଯାଇଥିବା ଆମରେଲି ପୋଲିସ ଅଧୀକ୍ଷକ ନିର୍ଲିପ୍ତ ରାୟ କହିଛନ୍ତି।ତେବେ ଏହି ଦୁର୍ଘଟଣା ରାତି ପ୍ରାୟ ୩ ବେଳେ ଘଟିଥିବା ବେଳେ ଏହି ଟ୍ରକଟି ରାଜକୋଟରୁ ଆମରେଲିର ଜାଫ୍ରାବାଦ ଅଭିମୁଖେ ଯାଉଥିଲା ବୋଲି କୁହାଯାଇଛି । ସୂଚନା ପାଇବା ମାତ୍ରେ ପୋଲିସ ଘଟଣାସ୍ଥଳରେ ପହଞ୍ଚି କାର୍ୟ୍ୟାନୁଷ୍ଠାନ ଆରମ୍ଭ କରିଛି ।
Powered by Froala Editor
