ଜିନ୍ସ ପିନ୍ଧୁଥିବା ବ୍ୟକ୍ତିଙ୍କୁ ରାଷ୍ଟ୍ରୀୟ ଜନତା ଦଳ ବା ଆର୍‌ଜେଡିକୁ ଏଣ୍ଟ୍ରି ମିଳିବ ନାହିଁ । ବିହାରରେ ଜାତୀୟ ଜାଗରଣ ଦାବି ନେଇ ଚାଲିଥିବା ଆନ୍ଦୋଳନ ସମୟରେ ଆର୍‌ଜେଡି ନେତା ଜଗଦାନନ୍ଦ ସିଂହ ଏଭଳି ମନ୍ତବ୍ୟ ଦେଇଛନ୍ତି। 

ସେ କହିଛନ୍ତି, `ଆପଣ ଫିଲ୍ମର ସୁଟିଂ କରିବାକୁ ଆସିଛନ୍ତି କି? ଯଦି ଆପଣ ରାଜନୀତି କରିବାକୁ ଆସିଛନ୍ତି, ତେବେ ଧାରଣାରେ ବସନ୍ତୁ। ଆନ୍ଦୋଳନ କରିବା ଶିଖନ୍ତୁ, ଏବେ ଯୁବ ନେତାଙ୍କ ତାଲିମ ପାଇଁ ସମୟ ଆସିଛି। ଯେଉଁମାନେ ଧାରଣାରେ ବସୁ ନାହାଁନ୍ତି ସେମାନେ ଆରଏସଏସ କର୍ମଚାରୀ ଏବଂ ଆମ ଶୋଭାଯାତ୍ରାରେ ସେମାନେ ପଶି ଆସିଛନ୍ତି।’ କେବଳ ସେତିକି ନୁହେଁ ଜିନ୍ସ ପିନ୍ଧୁଥିବା ବ୍ୟକ୍ତି ରାଜନୀତି କରିପାରିବେ ନାହିଁ।’ ସେ କହିଛନ୍ତି, ‘ଆମ ଦଳ ଗରିବଙ୍କ ଦଳ, କୃଷକ ଏବଂ ସଂଘର୍ଷ କରୁଥିବା ବ୍ୟକ୍ତିଙ୍କ ଦଳ। ଯଦି ଜିନ୍ସ ପିନ୍ଧୁଛ ତେବେ ତୁମେ କେବେବି ନେତା ବନି ପାରିବ ନାହିଁ।’  

ସୂଚନା ମୁତାବକ, ଜାତି ଜନଗଣନା କରିବା, ମଣ୍ଡଳ ଆୟୋଗର ଅବଶିଷ୍ଟ ସୁପାରିଶକୁ କାର୍ଯ୍ୟକାରୀ କରିବା ଏବଂ ସଂରକ୍ଷଣ ଅଧୀନରେ ବ୍ୟାକ୍‌ଲଗ୍ ସିଟ୍ ପୂରଣ କରିବା ଦାବିରେ ଆରଜେଡି ଶୋଭାଯାତ୍ରା କରିଥିଲା। ଏହି ଶୋଭାଯାତ୍ରାରେ ଜଗଦାନନ୍ଦଙ୍କ ସମେତ ଅନେକ ବରିଷ୍ଠ ନେତା ଓ ଯୁବ ନେତା ସାମିଲ ହୋଇଥିଲେ। ତେବେ ଏଭଳି କିଛି ବିବାଦୀୟ ମନ୍ତବ୍ୟ ଦେଇ ଚର୍ଚ୍ଚାକୁ ଆସିଛନ୍ତି ଆର୍‌ଜେଡିର ପ୍ରଦେଶ ଅଧ୍ୟକ୍ଷ ଜଗଦାନନ୍ଦ ସିଂହ।

Powered by Froala Editor