ରାହୁଲଙ୍କ ଆକାଉଣ୍ଟ ସସ୍ପେଣ୍ଡ କଲା ଟ୍ୱିଟର
କଂଗ୍ରେସର ପୂର୍ବତନ ଅଧ୍ୟକ୍ଷ ତଥା ସାଂସଦ ରାହୁଲ ଗାନ୍ଧୀଙ୍କ ଟ୍ବିଟ୍ର ଆକାଉଣ୍ଟ ସସ୍ପେଣ୍ଡ ହୋଇଛି। ଟ୍ୱିଟର ଏପରି ପଦକ୍ଷେପ ଗ୍ରହଣ କରିଥିବା ବେଳେ ଏହାକୁ ଚାଲୁ କରିବା ପାଇଁ ବିଭିନ୍ନ ପଦକ୍ଷେପ ନିଆଯାଉଥିବା କଂଗ୍ରେସ ପକ୍ଷରୁ କୁହାଯାଇଛି। କଂଗ୍ରେସ କହିଛି ଯେ “ରାହୁଲ ଗାନ୍ଧିଙ୍କ ଟ୍ୱିଟର ଆକାଉଣ୍ଟ ଅସ୍ଥାୟୀ ଭାବେ ସସପେଣ୍ଡ ହୋଇଯାଇଛି ଓ ଏହାକୁ ପୁନଃ ଚାଲୁ କରିବା ପାଇଁ ପ୍ରକ୍ରିୟା ଆରମ୍ଭ କରାଯାଇଛି।
ତେବେ ତାଙ୍କ ବିରୋଧରେ ଏମିତି କାର୍ଯ୍ୟାନୁଷ୍ଠାନ ପଛର କାରଣ ଅସ୍ପଷ୍ଟ ରହିଛି। ଦିଲ୍ଲୀର ଦୁଷ୍କର୍ମ ପୀଡ଼ିତାଙ୍କ ପରିଚୟ ପ୍ରଘଟ କରୁଥିବା ଫଟୋ ପୋଷ୍ଟ ପାଇଁ ଟ୍ବିଟ୍ର ଏହି ପଦକ୍ଷେପ ଗ୍ରହଣ କରିଥାଇପାରେ ବୋଲି କୁହାଯାଉଛି।
ସୂଚନାଯୋଗ୍ୟ, ଦିଲ୍ଲୀରେ ଜଣେ ନାବାଳିକାଙ୍କୁ ଦୁଷ୍କର୍ମ କରାଯିବା ପରେ ହତ୍ୟା କରାଯାଇଥିବା ଅଭିଯୋଗ ହୋଇଛି। ରାହୁଲ ଗାନ୍ଧି ବୁଧବାର ତାଙ୍କ ଟ୍ୱିଟରେ ପୀଡ଼ିତାଙ୍କ ପରିବାର ଲୋକଙ୍କ ଫଟୋ ପୋଷ୍ଟ କରି ସରକାରଙ୍କୁ ଟାର୍ଗେଟ କରିଥିଲେ। ଏହାଦ୍ୱାରା ପୀଡ଼ିତାଙ୍କ ପରିଚୟ ସାର୍ବଜନୀନ ହୋଇଥିଲା। ଏହି କାରଣରୁ ଟ୍ୱିଟର ରାହୁଲଙ୍କ ଉକ୍ତ ଟ୍ୱିଟକୁ ହଟାଇ ଦେଇଥିଲା। ଏହାପରେ ରାହୁଲଙ୍କ ଆକାଉଣ୍ଟକୁ ମଧ୍ୟ ଅସ୍ଥାୟୀ ଭାବେ ସସପେଣ୍ଡ କରି ଦେଇଛି।
Powered by Froala Editor
