ବାଣ ପ୍ରଦୂଷଣ ଆପେ ଆପେ କମିଯିବ, ଏତେ ବ୍ୟସ୍ତ ହେବାର କୌଣସି ଆବଶ୍ୟକତା ନାହିଁ:ଯୋଗୀ
ଲକ୍ଷ୍ନୌ: ଦୀପାବଳି ପରେ ବୃଦ୍ଧି ପାଇଥିବା ପ୍ରଦୂଷଣକୁ ନେଇ ଚିନ୍ତା ପ୍ରକଟ କରୁଥିବା ବ୍ୟକ୍ତିମାନଙ୍କୁ କଡ଼ା ସମାଲୋଚନା କରିଛନ୍ତି ଉତ୍ତର ପ୍ରଦେଶର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ। ବୁଧବାର ଲକ୍ଷ୍ନୌରେ ଏକ ସରକାରୀ କାର୍ଯ୍ୟକ୍ରମକୁ ସମ୍ୱୋଧନ କରି ସେ କହିଛନ୍ତି, ଦୀପାବଳିରେ ବାଣ ଫୁଟିବା କାରଣରୁ ଯଦି ପ୍ରଦୂଷଣ ବଢ଼ିଛି, ତେବେ ତାହା କିଛି ସମୟ ପରେ ଆପେ ଆପେ କମିଯିବ; ଏଥିପାଇଁ ଏତେ ବ୍ୟସ୍ତ ହେବାର କୌଣସି ଆବଶ୍ୟକତା ନାହିଁ।
ସମାଲୋଚକମାନଙ୍କୁ ଟାର୍ଗେଟ କରି ମୁଖ୍ୟମନ୍ତ୍ରୀ ଯୋଗୀ ପ୍ରଶ୍ନ କରିଛନ୍ତି, ‘ଯେଉଁମାନେ ନିଜର ଦୁର୍ନୀତି ଜରିଆରେ ସମଗ୍ର ବ୍ୟବସ୍ଥାକୁ ପ୍ରଦୂଷିତ କରିଛନ୍ତି, ସେମାନଙ୍କୁ କେହି କେବେ ପ୍ରଶ୍ନ କରନ୍ତି ନାହିଁ? କିନ୍ତୁ ସାଧାରଣ ଜନତା ଯଦି ବର୍ଷକୁ ଗୋଟିଏ ଦିନ ଖୁସି ମନାଇବା ପାଇଁ ବାଣ ଫୁଟାନ୍ତି, ତେବେ ସେଥିପାଇଁ ହଠାତ୍ ପ୍ରଦୂଷଣ ଏକ ବଡ଼ ପ୍ରସଙ୍ଗ ପାଲଟିଯାଏ।’ ସେ ନିଜେ ଅଯୋଧ୍ୟାରେ ଅନୁଷ୍ଠିତ ଭବ୍ୟ ଦୀପୋତ୍ସବରେ ବାଣ ଫୁଟାଇ ଉତ୍ସବରେ ସାମିଲ ହୋଇଥିବା କଥା ମଧ୍ୟ ସ୍ମରଣ କରାଇଛନ୍ତି।
Powered by Froala Editor
