ଅର୍ଥ ହେରଫେର ଅଭିଯୋଗରେ ସମ୍ପାଦକ ଗିରଫ
ଦେବଗଡ଼ :୨୦୨୪-୨୦୨୫ ଆର୍ଥିକ ବର୍ଷରେ ଚାଷୀମାନଙ୍କୁ ରିହାତି ମୂଲ୍ୟରେ ସାର ପ୍ରଦାନ ପାଇଁ ଦିଆଯାଇଥିବା ଅର୍ଥ ହେରଫେର ଅଭିଯୋଗରେ ଦେବଗଡ଼ ଜିଲା କଲ୍ଲା ପ୍ରାଥମିକ କୃଷି ସମବାୟ ସମିତିର ତତ୍କାଳୀନ ସମ୍ପାଦକ ଶ୍ରୀପତି ପ୍ରଧାନଙ୍କୁ ମଙ୍ଗଳବାର ଭିଜିଲାନ୍ସ ବିଭାଗ ଗିରଫ କରିଛି । ମିଳିଥିବା ସୂଚନା ଅନୁଯାୟୀ ତତ୍କାଳୀନ ସମ୍ପାଦକ ଶ୍ରୀ ପ୍ରଧାନ ସମିତିର ରେଜିଷ୍ଟର, ଲେଜର ଓ ଇନ୍ଭେଂଟରି ପୁସ୍ତିକାରେ ମିଥ୍ୟା ତଥ୍ୟ ଦାଖଲ କରି ଚାଷୀଙ୍କୁ ବିକ୍ରି ହୋଇଥିବା ସାର ବାବଦରେ ୧୬,୭୨,୫୬୭ ଟଙ୍କା ହଡ଼ପ କରିଥିଲେ । ଏ ନେଇ ଅଭିଯୋଗ ହେବା ପରେ ଭିଜିଲାନ୍ସ ବିଭାଗ ପକ୍ଷରୁ ଦୁର୍ନୀତି ନିବାରଣ ଆଇନ ଅନୁଯାୟୀ ତାଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି ।
Powered by Froala Editor
