ନିକଟରେ ରିଲିଜ୍ ହୋଇଛି ଫିଲ୍ମ ‘ରାମାୟଣ’ର ଟ୍ରେଲର । ରଣବୀରଙ୍କ ରାମ ଚରିତ୍ର, ସାଈ ପଲ୍ଲବୀଙ୍କ ସୀତା ଚରିତ୍ର ସମେତ ୟଶଙ୍କ ରାବଣ ଚରିତ୍ରକୁ ନେଇ ଖୁବ୍ ଚର୍ଚ୍ଚା ହେଲା । କିନ୍ତୁ ରାକୁଲ ପ୍ରୀତ ସିଂହଙ୍କ ସୁର୍ପଣଖା ଚରିତ୍ର ସମସ୍ତଙ୍କୁ ଚକିତ କଲା। ତାହା ଥିଲା  ଫିଲ୍ମରେ ତାଙ୍କ ଲୁକ୍ ଓ ପ୍ରଦର୍ଶନ । ସେ କାହିଁକି ସୁର୍ପଣଖା ଚରିତ୍ର ବାଛିଲେ ବୋଲି ଅନେକ ପ୍ରଶ୍ନ କରିଥିଲେ । ଏଭଳି ଏକ ଚରିତ୍ରକୁ ସେ କାହିଁକି ଚୟନ କଲେ, ସେ କଥା ମଧ୍ୟ ରାକୁଲଙ୍କୁ ପଚାରିଛନ୍ତି ।

ସେ ନିଜ ଏକ୍ସ ଆକାଉଣ୍ଟରେ ଏହାର ଉତ୍ତର ଦେଲେ । ସୁର୍ପଣଖାର ଜଟିଳ ଚରିତ୍ର ପାଇଁ ହିଁ ସେ ଏହି ଭୂମିକାରେ ଅଭିନୟ କରିବାକୁ ରାଜି ହେଲେ । ସେ କହିଲେ, ରାବଣର ଭଉଣୀ ସୁର୍ପଣଖା ହିଁ କାହାଣୀରେ ଯୁଦ୍ଧର ସୂତ୍ରପାତ କରିଥିଲା । ସୁର୍ପଣଖାକୁ ଇତିହାସ ସେହି ଗୋଟିଏ ମୁହୂର୍ତ୍ତ ପାଇଁ ମନେରଖିଛି । କିନ୍ତୁ ତା’ର କାହାଣୀରେ ଆହୁରି ବହୁତ କଥା ଅଛି । ଜଣେ କଳାକାର ଭାବେ ଯେଉଁ ଭୂମିକା ଚିନ୍ତାଧାରାକୁ ଆହ୍ୱାନ ଦିଏ, ତାହା ସବୁଠୁ ଉତ୍ସାହଜନକ । ଦର୍ଶକ ସୁର୍ପଣଖା ଚରିତ୍ରରେ ତାଙ୍କୁ ଖୋଲା ହୃଦୟରେ ଗ୍ରହଣ କରିବେ ବୋଲି ସେ ଆଶା କରିଛନ୍ତି । ଆସନ୍ତା ଦୀପାବଳିରେ ସିନେମା ଘରକୁ ଆସିବ ‘ରାମାୟଣ’ । ଏବେ ଜଣେ ଫ୍ୟାନ୍ ରାକୁଲଙ୍କୁ ଚିଠି ଲେଖି ଫିଲ୍ମ ରିଲିଜ୍ ପାଇଁ ଆଗୁଆ ଶୁଭେଚ୍ଛା ଜଣାଇଛନ୍ତି । 

Powered by Froala Editor