ଗୁରୁବାର ଭେନେଜୁଏଲା ଏବଂ ଜାପାନରେ ଶକ୍ତିଶାଳୀ ଭୂମିକମ୍ପ ବିନାଶ ଘଟାଇଥିବା ବେଳେ, ଭାରତର ଅନେକ ଅଞ୍ଚଳରେ ମଧ୍ୟ ଭୂମିକମ୍ପ ଅନୁଭୂତ ହୋଇଛି। ଜମ୍ମୁ ଏବଂ କାଶ୍ମୀର, ଆସାମ ଏବଂ ମେଘାଳୟରେ ବିଭିନ୍ନ ତୀବ୍ରତାଯୁକ୍ତ ଭୂମିକମ୍ପ ରେକର୍ଡ କରାଯାଇଛି। ସୌଭାଗ୍ୟବଶତଃ, କୌଣସି ଧନଜୀବନ ହାନୀ ହୋଇନାହିଁ। 

ଜୁନ୍ ୨୫ ତାରିଖ ଦିନ ରାତି ୨ଟା ୩୦ ସମୟରେ ଜମ୍ମୁ ଏବଂ କାଶ୍ମୀରର ପୁଲୱାମାରେ ଏକ ଭୂମିକମ୍ପ ହୋଇଥିଲା। ରିକ୍ଟର ସ୍କେଲରେ ଏହି ଭୂମିକମ୍ପର ତୀବ୍ରତା ୩.୫ ଥିଲା। ଏହାର କେନ୍ଦ୍ରସ୍ଥଳ ପୁଲୱାମା ଅଞ୍ଚଳ ନିକଟରେ ୩୩.୯୧୩ ଡିଗ୍ରି ଉତ୍ତର ଅକ୍ଷାଂଶ ଏବଂ ୭୫.୦୯୫ ଡିଗ୍ରି ପୂର୍ବ ଦ୍ରାଘିମା ଥିଲା। ଭୂପୃଷ୍ଠର ପ୍ରାୟ ୧୫ କିଲୋମିଟର ଗଭୀରତାରେ ଏହା କେନ୍ଦ୍ର ଅବସ୍ଥିତ ଥିବା ଅନୁମାନ କରାଯାଉଛି। ରାତିରେ ଲୋକେ ଘରେ ଶୋଇଥିବା ସମୟରେ ଭୂମିକମ୍ପ ହୋଇଥିଲା। ଭେନେଜୁଏଲାରେ ଏକ ୭.୫ ତୀବ୍ରତାଯୁକ୍ତ ଭୟଙ୍କର ଭୂମିକମ୍ପ ବହୁ ଧନଜୀବନ ହାନୀ କରିଛି। ରାଜଧାନୀ କାରାକାସରେ ଏକ ୨ ମହଲା କୋଠା ଘର ଭାଙ୍ଗି ଯାଇଛି। 

ଆମେରିକାର ଭୂତତ୍ତ୍ୱ ସର୍ବେକ୍ଷଣ ଅନୁଯାୟୀ, ପ୍ରଥମ ଭୂମିକମ୍ପର କେନ୍ଦ୍ରସ୍ଥଳ ଭେନେଜୁଏଲାର ଉପକୂଳବର୍ତ୍ତୀ ସହର ମୋରୋନ ନିକଟରେ ଭୂପୃଷ୍ଠର ୧୩ କିଲୋମିଟର ଗଭୀରତାରେ ଥିଲା। ସେହିପରି ଦ୍ୱିତୀୟ ଭୂମିକମ୍ପର କେନ୍ଦ୍ରସ୍ଥଳ ମୋରୋନଠାରୁ ୧୬ କିଲୋମିଟର ଦୂରରେ ଭୂପୃଷ୍ଠର ୧୦ କିଲୋମିଟର ଗଭୀରତାରେ ଅନୁଭୂତ ହୋଇଥିଲା। 

Powered by Froala Editor