ଅଫଲାଇନରେ ମାଟ୍ରିକ ପରୀକ୍ଷା ଦେଲେ ସୋରଡ଼ା ବିଧାୟକ
ଭୁବନେଶ୍ୱର : ଅଫଲାଇନରେ ମାଟ୍ରିକ ପରୀକ୍ଷା ଦେଇଛନ୍ତି ସୋରଡ଼ା ବିଧାୟକ ପୂର୍ଣ୍ଣଚନ୍ଦ୍ର ସ୍ୱାଇଁ । ଭଞ୍ଜନଗର ସରକାରୀ ବାଳିକା ଉଚ୍ଚବିଦ୍ୟାଳୟରେ ଆଜିଠାରୁ ତାଙ୍କର ପରୀକ୍ଷା ଆରମ୍ଭ ହୋଇଛି । ପୂର୍ବରୁ କିନ୍ତୁ ସେ ନିଜର ଶିକ୍ଷାଗତ ଯୋଗ୍ୟତା ମାଟ୍ରିକ ବୋଲି ଦର୍ଶାଉଥିଲେ । ବିଧାନସଭା ୱେବସାଇଟରେ ଏହା ଦର୍ଶାଯାଇଛି । ୧୯୭୨ ମସିହା ଅକ୍ଟୋବର ୨ରେ ଜନ୍ମିତ ଶ୍ରୀ ସ୍ୱାଇଁ ୨୦୦୯ରୁ ସୋରଡା ବିଧାୟକ ଭାବେ ନିର୍ବାଚିତ ହୋଇ ଆସୁଛନ୍ତି । ସେ ହାଟ୍ରିକ ଥର ପାଇଁ ବିଧାନସଭାକୁ ଆସିଛନ୍ତି । ସୂଚନାଯୋଗ୍ୟଯେ, ଆଜି ଠାରୁ ମାଟ୍ରିକ ପରୀକ୍ଷା ଆରମ୍ଭ ହୋଇଛି । ଅଫଲାଇନରେ ୧୫ ହଜାର ୧୫୧ ଛାତ୍ରଛାତ୍ରୀ ପରୀକ୍ଷା ଦେଉଛନ୍ତି । ପାର୍ଟ-୧ରେ ଅବଜେକ୍ଟିଭ ଓ ପାର୍ଟ-୨ରେ ସବଜେକ୍ଟିଭ ପରୀକ୍ଷା ହେବ । ପ୍ରତି ପାର୍ଟ ଘଂଟାଏ ଲେଖା କରାଯିବ ।
Powered by Froala Editor
