ଆମେରିକାରେ ବଡ଼ ସାମରିକ ଅଦଳବଦଳ, ସେନାମୁଖ୍ୟଙ୍କୁ ତୁରନ୍ତ ଅବସର
ୱାଂଶିଟନ୍: ମଧ୍ୟପ୍ରାଚ୍ୟରେ ଚାଲିଥିବା ଯୁଦ୍ଧ ମଧ୍ୟରେ ଆମେରିକାରେ ଏକ ବଡ଼ ସାମରିକ ଅଦଳବଦଳ ହୋଇଛି। ଇରାନ ସହ ଯୁଦ୍ଧ ମଝିରେ ସେନାମୁଖ୍ୟଙ୍କୁ ବିଦା କଲା ଆମେରିକା।ପ୍ରତିରକ୍ଷା ସଚିବ ପିଟ ହେଗସେଥ ଆମେରିକୀୟ ସେନାର ମୁଖ୍ୟ ଜେନେରାଲ ଜର୍ଜଙ୍କୁ ତୁରନ୍ତ ଅବସର ନେବାକୁ କହିଛନ୍ତି। କ୍ରିଷ୍ଟୋଫର ଲାନିଭ ନୂତନ ସେନାମୁଖ୍ୟ ଭାବେ ଦାୟିତ୍ଵ ଗ୍ରହଣ କରିବେ। ପେଣ୍ଟାଗନ ନିଶ୍ଚିତ କରିଛି ଯେ, ପ୍ରତିରକ୍ଷା ସଚିବ ସେନାର ସର୍ବୋଚ୍ଚ ପଦାଧିକାରୀଙ୍କୁ ପଦ ଛାଡିବାକୁ କହିଛନ୍ତି। ତାଙ୍କୁ ହଟାଇବାର ସଠିକ କାରଣ ଏପର୍ଯ୍ୟନ୍ତ ସ୍ପଷ୍ଟ କରାଯାଇ ନାହିଁ।
ସୂଚନା ଯୋଗ୍ୟ ପିଟ ହେଗସେଥ ପଦ ଗ୍ରହଣ କରିବା ପରଠାରୁ ସେନା ଭିତରେ ବଡ଼ ପରିବର୍ତ୍ତନ କରୁଛନ୍ତି। ସେ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ସୁରକ୍ଷା ନୀତି ସହିତ ସାମରିକ ବ୍ୟବସ୍ଥାକୁ ପୁନଃସଜ୍ଜିତ କରିବାକୁ ଚାହାଁନ୍ତି।
ଜେନେରାଲ ରେଣ୍ଡି ଜର୍ଜ ଜଣେ ଅଭିଜ୍ଞ ସାମରିକ ଅଧିକାରୀ। ସେ ୱେଷ୍ଟ ପଏଣ୍ଟ ମିଲିଟାରୀ ଏକାଡେମୀର ସ୍ନାତକ ଏବଂ ଗଲ୍ଫ ଯୁଦ୍ଧରେ, ଇରାକ ଏବଂ ଆଫଗାନିସ୍ତାନରେ ମଧ୍ୟ ସେବା କରିଥିଲେ।
Powered by Froala Editor
