ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କୁ ନେଇ ବିଜେପି ସାଂସଦ ନିଶିକାନ୍ତ ଦୁବେଙ୍କ ବିବାଦୀୟ ମନ୍ତବ୍ୟ ପରେ ଏହାର ପ୍ରତିବାଦ କରି ବିଜେଡି ସାଂସଦ ସସ୍ମିତ ପାତ୍ର ଏକ ବଡ଼ ନିଷ୍ପତ୍ତି ନେଇଛନ୍ତି । ବିଜେପି ସାଂସଦ ନିଶିକାନ୍ତ ଦୁବେଙ୍କ ଅଧ୍ୟକ୍ଷତାରେ ଥିବା ଯୋଗାଯାଗ ଏବଂ ସୂଚନା ପ୍ରଯୁକ୍ତି ସଂସଦୀୟ କମିଟି'ରୁ ସସ୍ମିତ ପାତ୍ର ଇସ୍ତଫା ଦେଇଛନ୍ତି । ବିଜୁ ବାବୁଙ୍କୁ ଅପମାନ କରୁଥିବା ବ୍ୟକ୍ତିଙ୍କ ଅଧୀନରେ କାମ କରିବା ଅସମ୍ଭବ ବୋଲି ସେ ସ୍ପଷ୍ଟ କରିଛନ୍ତି ।

ସେ କହିଛନ୍ତି, ବିଜୁ ବାବୁ ଜଣେ ଆନ୍ତର୍ଜାତୀୟ ପ୍ରତିଷ୍ଠିତ ବ୍ୟକ୍ତି, ଜଣେ କିମ୍ବଦନ୍ତୀ ଏବଂ ଜଣେ ରାଜନେତା ଥିଲେ । ସେ ଭାରତ ପାଇଁ ବିଶ୍ୱ କୂଟନୀତି ସୁନିଶ୍ଚିତ କରିବାରେ ଏକ ପ୍ରମୁଖ ଭୂମିକା ଗ୍ରହଣ କରିବା ପାଇଁ ବ୍ୟାପକ ଭାବରେ ଜଣାଶୁଣା ଥିଲେ । ସ୍ୱାଧୀନତା ସଂଗ୍ରାମୀମାନଙ୍କୁ ଇଣ୍ଡାନେସିଆରୁ ଭାରତକୁ  ଉଦ୍ଧାର କରିବାରେ ତାଙ୍କର ଏକ ବଡ ଭୂମିକା ରହିଥିଲା । ଏଥି ପାଇଁ  ସେ ବ୍ୟାପକ ଭାବରେ ସମ୍ମାନିତ ହାଇଛନ୍ତି । ସେ ଜଣେ କିନ୍ତୁ ତାଙ୍କ ବିଷୟରେ  କିଛି ଅପମାନଜନକ  ବୟାନ ଦେବା ଅତ୍ୟନ୍ତ ଦୁର୍ଭାଗ୍ୟଜନକ ।

୧୯୬୨ ଚାଇନା ଯୁଦ୍ଧ ସମୟରେ ବିଜୁ ବାବୁ ନେହେରୁ ଏବଂ ଆମେରିକୀୟ ଗୁପ୍ତଚର ସଂସ୍ଥା ମଧ୍ୟରେ \'ସେତୁ\' ସାଜିଥିଲେ ବୋଲି ଦୁବେ ଅଭିଯୋଗ କରିଛନ୍ତି । ଚାରବାଟିଆ ଏୟାରବେସେ ଆମେରିକା ବିମାନକୁ ସେ ଆଶ୍ରୟ ଦେଇଥିଲେ ବୋଲି ମଧ୍ୟ ସେ କହିଛନ୍ତି । ସସ୍ମିତ ପାତ୍ର ଏବଂ ମାନସ ମଙ୍ଗରାଜ ଏହି ବୟାନକୁ ମିଥ୍ୟା ଓ ଆଧାରହୀନ କହିବା ସହ ଏହାକୁ ଏକ \'ରାଜନୈତିକ ଚାଲ୍‌\' ବୋଲି ଅଭିହିତ କରିଛନ୍ତି । 

Powered by Froala Editor