ନକ୍ସଲ ବିରୋଧୀ ଲଢ଼େଇରେ ସହିଦ ହୋଇଛନ୍ତି: ୨୩୯ ପୁଲିସ୍
ଫୁଲବାଣୀ: ମାଓନେତା ଶୁକ୍ରୁର ଆତ୍ମସମର୍ପଣ ପରେ ଆଣ୍ଟି ନକ୍ସଲ ଅପରେସନ ଏଡିଜି ସଞ୍ଜୀବ ପଣ୍ଡା ପ୍ରତିକ୍ରିୟା ରଖିଛନ୍ତି। ସେ କହିଛନ୍ତି ନକ୍ସଲ ବିରୋଧୀ ଲଢ଼େଇ ନିର୍ଣ୍ଣାୟକ ସ୍ଥିତିରେ ପହଞ୍ଚି ସାରିଛି । ଡେଡ୍ଲାଇନ ପାଖେଇ ଆସୁଥିବାରୁ ଅପରେସନ୍କୁ ତ୍ବରାନ୍ବିତ କରିବୁ। ନକ୍ସଲ ବିରୋଧୀ ଲଢ଼େଇରେ ୨୩୯ ପୁଲିସ୍ ସହିଦ ହୋଇଛନ୍ତି । ଏମାନଙ୍କର ବଳିଦାନ ପାଇଁ ଆଜି ଆମେ ଏଠାରେ ପହଞ୍ଚି ସାରିଛୁ। କନ୍ଧମାଳ ଜିଲ୍ଲାରେ ମାତ୍ର ଆଉ ୮ରୁ ୯ ଜଣ ନକ୍ସଲ ରହି ଯାଇଛନ୍ତି । ଯେଉଁମାନେ ରହି ଯାଇଛନ୍ତି ଆସନ୍ତା ୩୧ ପୂର୍ବରୁ ଆତ୍ମସମର୍ପଣ କରନ୍ତୁ। ସେମାନଙ୍କୁ ସରକାରଙ୍କ ଘୋଷଣା ଅନୁସାରେ ସୁବିଧା ସୁଯୋଗ ମିଳିବ।
Powered by Froala Editor
