ସୋସିଆଲ୍ ମିଡିଆ LPG ରିଫିଲ୍ ବୁକିଂ ସମ୍ପର୍କିତ ଗୁଜବକୁ ନେଇ ସ୍ପଷ୍ଟୀକରଣ ଦେଲା କେନ୍ଦ୍ର ପେଟ୍ରୋଲିୟମ୍ ମନ୍ତ୍ରାଳୟ । ସୋସିଆଲ ମିଡିଆରେ ଘୂରି ବୁଲୁଥିବା ଗୁଜବକୁ ବିଶ୍ବାସ ନକରିବାକୁ ଜନସାଧାରଣଙ୍କୁ ଅନୁରୋଧ କରିଛି । ସରକାର ସ୍ପଷ୍ଟ କରିଛନ୍ତି ଯେ ପୂର୍ବରୁ ପ୍ରଚଳିତ ଥିବା ନିୟମ ହିଁ ବଳବତ୍ତର ରହିଛି, ଯେଉଁଥିରେ ଗ୍ରାମାଞ୍ଚଳ ପାଇଁ ୪୫ ଦିନ ଓ ସହରାଞ୍ଚଳ ପାଇଁ ୨୫ ଦିନର ବୁକିଂ ଅବଧି ଜାରି ରହିଛି। ଦେଶରେ ଗ୍ୟାସର କୌଣସି ଅଭାବ ନଥିବାରୁ ଜନସାଧାରଣଙ୍କୁ ଆତଙ୍କିତ ନହେବାକୁ ଏବଂ ମିଥ୍ୟା ସୂଚନା ଉପରେ ବିଶ୍ୱାସ ନକରିବାକୁ ବିଭାଗ ପକ୍ଷରୁ ସତର୍କ କରାଯାଇଛି।

ଇରାନ-ଇସ୍ରାଏଲ ଯୁଦ୍ଧ ଓ ହର୍ମୁଜ୍ ପ୍ରଣାଳୀରେ ସୃଷ୍ଟି ହୋଇଥିବା ଅସ୍ଥିରତା ଯୋଗୁଁ ବିଶ୍ୱସ୍ତରରେ ତୈଳ ଓ ଗ୍ୟାସ ଯୋଗାଣରେ କିଛିଟା ବାଧା ସୃଷ୍ଟି ହୋଇଛି, ଯାହାକୁ ନେଇ ଗ୍ୟାସ ଅଭାବର ଆଶଙ୍କା କରାଯାଉଥିଲା। ତଥାପି, ସରକାର ପରିସ୍ଥିତି ଉପରେ ତୀକ୍ଷ୍ଣ ନଜର ରଖିଛନ୍ତି ଏବଂ ଘରୋଇ ବ୍ୟବହାର ପାଇଁ ପର୍ଯ୍ୟାପ୍ତ ଏଲପିଜି ମହଜୁଦ ଥିବା ସୁନିଶ୍ଚିତ କରିଛନ୍ତି।

ନିୟମ ଅନୁସାରେ, ସହରାଞ୍ଚଳ ପାଇଁ ୨୫ ଦିନ ବ୍ୟବଧାନରେ LPG ରିଫିଲ୍  ବୁକିଂ ହେଉଥିବାବେଳେ ଗ୍ରାମାଞ୍ଚଳ ପାଇଁ ୪୫ ଦିନ ବ୍ୟବଧାନରେ LPG ରିଫିଲ୍  ବୁକିଂ କରାଯାଉଛି । ଯେକୌଣସି ପ୍ରକାର କନେକ୍ସନ ନେଇଥିଲେ ସେହି ସମାନ ନିୟମ କାର୍ଯ୍ୟକାରୀ ହେବ । 

Powered by Froala Editor