ଚଳିତ ବର୍ଷ ବଢ଼ିବନି ବିଦ୍ୟୁତ ବିଲ୍। ଓଡ଼ିଶା ବିଦ୍ୟୁତ ନିୟାମକ ଆୟୋଗ ୨୦୨୬-୨୭ ବର୍ଷ ପାଇଁ ନୂଆ ବିଦ୍ୟୁତ ଦର ଘୋଷଣା କରିଛନ୍ତି ।ଲଗାତାର ପଞ୍ଚମ ବର୍ଷ ପାଇଁ ବିଦ୍ୟୁତ ଦର ଅପରିବର୍ତ୍ତିତ ରହିଛି । ନୂଆ ନିୟମରେ ୧୫ଟି ବଡ଼ ମୁଖ୍ୟ କଥା ରହିଛି । ପ୍ରଥମେ ଦର ବଢ଼ିବ ନାହିଁ । ସାଧାରଣ ଗ୍ରାହକଙ୍କ ପାଇଁ ବିଦ୍ୟୁତ ବିଲ୍ ରେ କୌଣସି ବୃଦ୍ଧି କରାଯାଇ ନାହିଁ ।ଟ୍ରାନ୍ସମିସନ୍ ଚାର୍ଜ ହ୍ରାସ ହୋଇଛି । ଓପିଟିସିଲଏର  ଚାର୍ଜ ୟୁନିଟ୍ ପିଛା ୨୫.୫ ପଇସାରୁ ୨୪ ପଇସାକୁ କମିଛି ।

ଜାରି ହୋଇଥିବା ଚିଠିରେ ଦର୍ଶାଯାଇଛି ଯେ ଓଇଆର୍‌ସିର ଏହି ନିଷ୍ପତ୍ତି ୧ ଏପ୍ରିଲ୍‌ ଠାରୁ ଆୟୋଗଙ୍କ ପରବର୍ତ୍ତୀ ନିର୍ଦ୍ଦେଶ ଯାଏଁ ବଳବତ୍ତର ରହିବ। ଓଇଆର୍‌ସି (ବାଣିଜ୍ୟିକ ପରିଚାଳନା) ନିୟାମକ, ୨୦୦୪ର ରେଗୁଲେସନ୍‌ ୫୭ ବଳରେ ଜାରି ହୋଇଥିବା ଖୁଚୁରା (ରିଟେଲ୍‌) ବିଦ୍ୟୁତ ଦର ଅନୁସାରେ, କୁଟୀର ‌ଜ୍ୟୋତି ଯୋଜନାରେ (୩୦ ୟୁନିଟ୍‌ କିମ୍ବା ଏହାଠାରୁ କମ୍‌) ବିଦ୍ୟୁତ୍‌ ବ୍ୟବହାର ନିମନ୍ତେ ୭୦ଟଙ୍କା। ମାସକୁ ୫୦ୟୁନିଟ୍‌ କିମ୍ବା କମ୍‌ ବିଦ୍ୟୁତ୍‌ ବ୍ୟବହାର (ଘରୋଇ) ନିମନ୍ତେ ୨୯୦ଟଙ୍କା। ୫୦ରୁ ୨୦୦ ୟୁନିଟ୍‌ ମଧ୍ୟରେ ୪୭୦ଟଙ୍କା, ୨ଶହରୁ ୪୦୦ ୟୁନିଟ୍‌ ମଧ୍ୟରେ ୫୭୦ଟଙ୍କା ଓ ୪ଶହ ୟୁନିଟ୍‌ରୁ ଅଧିକ ବିଦ୍ୟୁତ୍‌ ବ୍ୟବହାର ନିମନ୍ତେ ୬୧୦ ଟଙ୍କା ଦେୟ ରହିଛି। ଏଥିପାଇଁ ପ୍ରଥମ କିଲୋୱାଟ୍‌ ନିମନ୍ତେ ୨୦ ଟଙ୍କା ସ୍ଥାୟୀ ଦେୟ ଓ ପରବର୍ତ୍ତୀ କିଲୋୱାଟ୍‌ ନିମନ୍ତେ ଅତିରିକ୍ତ ୨୦ଟଙ୍କା ଦେୟ ଦେବାକୁ ପଡ଼ିବ। ଏହାସହିତ ରିହାତି ୧୦ଟଙ୍କା ରହିଛି। 

ଘରୋଇ ଗ୍ରାହକଙ୍କୁ ୪% ରିହାତି ମିଳିବ। ଯଦି ଆପଣ ସମୟ ପୂର୍ବରୁ ଅନଲାଇନ୍ ରେ ସମ୍ପୂର୍ଣ୍ଣ ବିଲ୍ ପୈଠ କରନ୍ତି, ତେବେ ୪% ରିହାତି ପାଇବେ। ପ୍ରି-ପେଡ୍ ମିଟର ବ୍ୟବହାର କରୁଥିବା ଗ୍ରାହକଙ୍କୁ ମଧ୍ୟ ୪% ରିହାତି ମିଳିବ। ଇ-ବିଲ୍ ପାଇଁ ମଧ୍ୟ ରିହାତି ରହିଛି। 

Powered by Froala Editor