ସମ୍ୱଲପୁର ମଣ୍ଡଳ କାରାଗାରରେ ଅତର୍କିତ ଚଢ଼ଉ
ସମ୍ବଲପୁର: ସମ୍ୱଲପୁର ମଣ୍ଡଳ କାରାଗାର ଠାରେ ସୋମବାର ଉପ ଜିଲାପାଳ ଡା. ପୁଷ୍ପାଞ୍ଜଳି ପଣ୍ଡାଙ୍କ ଉପସ୍ଥିତିରେ ପୁଲିସ୍ ଅତର୍କିତ ଭାବେ ଚଢ଼ଉ କରିଛି। ସକାଳ ପ୍ରାୟ ସାଢ଼େ ୫ଟା ସମୟରେ ଅତିରିକ୍ତ ଏସପି ଅଜୟ କୁମାର ମିଶ୍ର ଓ ଶ୍ରୀମନ୍ତ ବାରିକଙ୍କ ନେତୃତ୍ୱରେ ପୁଲିସ ଦଳ କାରାଗାର ପରିସର ମଧ୍ୟକୁ ପ୍ରବେଶ କରି ସମସ୍ତ କୋଠରୀ, ଆସବାବପତ୍ର, କାରାଗାର କୋଠରୀ, କପଡା ଏବଂ ପରିସର ଆଦିକୁ ତନତନ କରି ଯାଞ୍ଚ କରିଥିଲେ । ଏହି ଯାଞ୍ଚରେ ଦୁଇ ଅତିରିକ୍ତ ଏସପିଙ୍କ ସହିତ ଏସଡିପିଓ ତୋଫାନ ବାଗ, ୭ ଜଣ ଥାନା ଅଧିକାରୀ, ୨୦ ଜଣ ଏସଆଇ, ଏଏସଆଇ ସମେତ ଗୋଟିଏ ପ୍ଲାଟୁନ ପୁଲିସ ବଳ ମଧ୍ୟ ସାମିଲ ଥିଲେ । ଯାଞ୍ଚ ପରେ ଉପ ଜିଲାପାଳ ଡ. ପଣ୍ଡା ଗଣମାଧ୍ୟମକୁ ସୂଚନା ଦେଇ କହିଛନ୍ତି ଯେ, କାରାଗାର ଭିତରୁ କୌଣସି ପ୍ରକାରର ମାଦକ ଦ୍ରବ୍ୟ କିମ୍ୱା ଅନ୍ୟାନ୍ୟ କୌଣସି ପ୍ରକାର ଆପତ୍ତିଜନକ ସାମଗ୍ରୀ ମିଳି ନାହିଁ ।
Powered by Froala Editor
