ଆମେରିକାଠୁ ୧୨ ହଜାର ବୋମା କ୍ରୟ କରିବ ଇସ୍ରାଏଲ
ନୂଆଦିଲ୍ଲୀ: ଇସ୍ରାଏଲକୁ ଗୋଳା-ବାରୁଦ ଓ ଯୁଦ୍ଧ ସାମଗ୍ରୀ ବିକିବା ପାଇଁ ଆମେରିକା ନିଷ୍ପତ୍ତି ନେଇଛି। ଆମେରିକୀୟ ବିଦେଶ ବିଭାଗ ଇସ୍ରାଏଲ ସରକାରଙ୍କୁ ପ୍ରାୟ ୧୬ କୋଟି ଡଲାରର ଯୁଦ୍ଧ ସାମଗ୍ରୀ କ୍ରୟ ନେଇ ମଞ୍ଜୁରୀ ଦେଇଛି। ଇସ୍ରାଏଲ ସରକାର ନିଜ ସୁରକ୍ଷା ଆବଶ୍ୟକତାକୁ ପୂରା କରିବା ପାଇଁ ଆମେରିକାଠୁ ଭାରି ମାତ୍ରାରେ ଅସ୍ତ୍ରଶସ୍ତ୍ର ମାଗିଥିଲେ। ଏହି ଚୁକ୍ତି ଅନୁସାରେ ଇସ୍ରାଏଲ ୧୨ ହଜାର ବିଏଲୟୁ-୧୧୦ଏ/ବି ସାମଗ୍ରୀ, ୧୦୦୦ ପାଉଣ୍ଡର ବୋମା କ୍ରୟ କରିବ। ବୋମା ବ୍ୟତୀତ ଏହି ଚୁକ୍ତି ଅନୁସାରେ ଆମେରିକୀୟ ସରକାର ଓ ଇଞ୍ଜିନିୟରିଂ, ଲଜିଷ୍ଟିକ୍ସ ଓ ପ୍ରଯୁକ୍ତିବିଦ୍ୟା ସେବା ମଧ୍ୟ ସାମିଲ ହେବ। ଇସ୍ରାଏଲ-ଆମେରିକା ମଧ୍ୟରେ ହୋଇଥିବା ଏହି ଚୁକ୍ତିକୁ ଜରୁରୀକାଳୀନ ଭିତ୍ତିରେ ମଞ୍ଜୁରୀ ଦିଆଯାଇଛି।
Powered by Froala Editor
