କଂଗ୍ରେସର ସମସ୍ତ ବିଧାୟକ ଏକଜୁଟ୍ ଅଛନ୍ତି ଏବଂ ଦଳର ନିଷ୍ପତ୍ତି ଅନୁଯାୟୀ ମତଦାନ କରିବେ: ରାମଚନ୍ଦ୍ର କାଡାମ୍
ଭୁବନେଶ୍ବର: ଓଡ଼ିଶାରେ ରାଜ୍ୟସଭା ନିର୍ବାଚନ ପାଇଁ ରାଜନୈତିକ ଉଷ୍ମତା ବଢ଼ିବାରେ ଲାଗିଛି। ଏହି ପରିପ୍ରେକ୍ଷୀରେ କଂଗ୍ରେସ କ୍ୟାମ୍ପରୁ ଏକ ବଡ଼ ବୟାନ ସାମ୍ନାକୁ ଆସିଛି। ରାଜ୍ୟ କଂଗ୍ରେସ ପ୍ରଭାରୀ ରାମଚନ୍ଦ୍ର କାଡାମ୍ ସ୍ପଷ୍ଟ କରିଛନ୍ତି ଯେ, ଏଥର ରାଜ୍ୟସଭା ନିର୍ବାଚନରେ କୌଣସି ପ୍ରକାର ‘କ୍ରସ୍ ଭୋଟିଂ’ (Cross Voting) ହେବାର ସମ୍ଭାବନା ନାହିଁ।
ଗଣମାଧ୍ୟମକୁ ସୂଚନା ଦେଇ କାଡାମ୍ କହିଛନ୍ତି ଯେ, କଂଗ୍ରେସର ସମସ୍ତ ବିଧାୟକ ଏକଜୁଟ୍ ଅଛନ୍ତି ଏବଂ ଦଳର ନିଷ୍ପତ୍ତି ଅନୁଯାୟୀ ମତଦାନ କରିବେ। ବିରୋଧୀ ଦଳ ପକ୍ଷରୁ କ୍ରସ୍ ଭୋଟିଂ ନେଇ କରାଯାଉଥିବା ଚର୍ଚ୍ଚାକୁ ସେ ଖଣ୍ଡନ କରିବା ସହ ଏହାକୁ କେବଳ ଏକ ଗୁଜବ ବୋଲି ଅଭିହିତ କରିଛନ୍ତି।
ଦଳୀୟ ଅନୁଶାସନ ରକ୍ଷା କରିବା ପାଇଁ ହୁଇପ୍ (Whip) ଜାରି କରାଯାଇଛି ଏବଂ ବିଧାୟକମାନଙ୍କ ସହ ଆଲୋଚନା ସରିଛି।
Powered by Froala Editor
