ବୈଦ୍ୟୁତିକ କେଟିଲ ଅତ୍ୟନ୍ତ ଉପଯୋଗୀ ରୋଷେଇ ଉପକରଣ। ଏହା ଗ୍ୟାସ ଚୁଲା ଅପେକ୍ଷା ଦ୍ରୁତ ଏବଂ ଅଧିକ ସୁବିଧା ଜନକ ଏବଂ ସୁରକ୍ଷିତ ବୋଲି ବିବେଚନା କରାଯାଏ। ତଥାପି ବ୍ୟବହାର କରିବା ସମୟରେ ଯଦି ଆମେ ଟିକିଏ ଅସାବଧାନତା ହେଉ , ତେବେ ବିଦ୍ୟୁତ୍ ଆଘାତ, ପୋଡ଼ିବା କିମ୍ବା ନିଆଁ ଲାଗିବା ଭଳି ଦୁର୍ଘଟଣା ଘଟିପାରେ। ତେଣୁ ଯେକୌଣସି ସମୟରେ କେଟିଲକୁ ସଠିକ୍ ଭାବରେ ବ୍ୟବହାର କରିବା ଏବଂ ଏହାର ଯତ୍ନ ନେବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ସାଧାରଣତଃ ୩ ପ୍ରକାରର ବୈଦ୍ୟୁତିକ କେଟିଲ ଆମ ଦୈନନ୍ଦିନ ବ୍ୟବହାର ପାଇଁ ଉପଯୋଗୀ।
୧- ପ୍ଲାଷ୍ଟିକ୍ ବୈଦ୍ୟୁତିକ କେଟିଲ୍‌: ହାଲୁକା, ସୁଲଭ, ଏବଂ ଦୈନନ୍ଦିନ ବ୍ୟବହାର ପାଇଁ ଉପଯୁକ୍ତ
୨- କାଚ ବୈଦ୍ୟୁତିକ କେଟିଲ୍‌: ବୋରୋସିଲିକେଟ୍ କାଚରେ ତିଆରି, ଅଧିକ ସତର୍କତାର ସହ ବ୍ୟବହାର କରିବା ଆବଶ୍ୟକ
୩- ଷ୍ଟେନଲେସ୍ ଷ୍ଟିଲ୍ ବୈଦ୍ୟୁତିକ କେଟିଲ୍‌: ଦୃଢ଼, ସ୍ଥାୟୀ ଏବଂ ଦୀର୍ଘସ୍ଥାୟୀ ବୋଲି ବିବେଚନା କରାଯାଏ
ସତର୍କତା:
ଆପଣଙ୍କର ନିର୍ଦ୍ଦିଷ୍ଟ ମଡେଲର ବୈଶିଷ୍ଟ୍ୟ ଏବଂ ସୁରକ୍ଷା ନିର୍ଦ୍ଦେଶାବଳୀକୁ ଭଲ ଭାବରେ ପଢନ୍ତୁ , ସର୍ବଦା କେଟିଲକୁ ଏକ ସମତଳ, ଶୁଷ୍କ, ସ୍ଥିର ପୃଷ୍ଠରେ ରଖନ୍ତୁ,
ପାୱାର କର୍ଡ ଏବଂ ପ୍ଲଗ୍ ଗରମ ପୃଷ୍ଠରୁ ଦୂରରେ ରଖନ୍ତୁ, ଏକ୍ସଟେନ୍ସନ୍ କର୍ଡ ବ୍ୟବହାର କରନ୍ତୁନାହିଁ , କେଟିଲକୁ ଅନପ୍ଲଗ୍ କରନ୍ତୁ ଏବଂ ସଫା କରିବା ପୂର୍ବରୁ ଏହାକୁ ଥଣ୍ଡା ହେବାକୁ ଦିଅନ୍ତୁ।

Powered by Froala Editor