ସମ୍ପୂର୍ଣ୍ଣ ଭାବେ ନିଆଁ ଆୟତ୍ତ: ବିନା ଲାଇସେନ୍ସରେ ଚାଲିଥିଲା ବାର
ଭୁବନେଶ୍ଵର: ଭୁବନେଶ୍ଵର ସତ୍ୟବିହାର ସ୍ଥିତ ଏକ ବାର୍ ରେ ଭୟାବହ ଅଗ୍ନିକାଣ୍ଡ ଘଟିଛି। ବାର୍ ଟି ହୁତ୍ ହୁତ୍ ହୋଇ ଜଳୁଥିଲା । ପୁରା ପରିବେଶ ଧୂଆଁମୟ ହୋଇପଡିଛି। ଅଗ୍ନିକାଣ୍ଡର କାରଣ ଜଣାପଡିନାହିଁ। ଖବର ପାଇ ଅଗ୍ନିଶମ ବାହିନୀ କର୍ମଚାରୀମାନେ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଛନ୍ତି। ଭୟାବହ ନିଆଁରେ ବାର୍ର ସମସ୍ତ ସାମଗ୍ରୀ ପୋଡି ପାଉଁଶ ହୋଇଯାଇଛି। ବିନା ଲାଇସେନ୍ସରେ ବାର୍ ଚାଲିଥିବା ସ୍ଥାନୀୟ ଲୋକେ ଅଭିଯୋଗ କରିଛନ୍ତି। ସମ୍ପୂର୍ଣ୍ଣ ଭାବେ ନିଆଁ ଆୟତ୍ତ ହୋଇଥିବା ସୂଚନା ଦେଇଛନ୍ତି ଚିଫ୍ ଫାୟାର ଅଫିସର ରମେଶ ମାଝୀ।
ନିଆଁ ଲିଭା କାର୍ଯ୍ୟରେ ଦୁଇ ଦମକଳ ଗାଡି ନିୟୋଜିତ ହୋଇଥିଲେ। ନିଆଁକୁ ଆୟତ୍ତ କରିବାକୁ ପ୍ରାୟ ୧ ଘଣ୍ଟା ସମୟ ଲାଗିଥିଲା। ସକାଳ ୮ଟା ୫୦ରେ ଖବର ଆସିଥିବା କହିଛନ୍ତି ଚିଫ୍ ଫାୟାର ଅଫିସର।
Powered by Froala Editor
