ସୁସ୍ଥ ରହିବା ପାଇଁ ଲୋକମାନେ ସେମାନଙ୍କ ଖାଦ୍ୟରେ ଏପରି ଖାଦ୍ୟଦ୍ରବ୍ୟ ସାମିଲ କରିବା ଆବଶ୍ୟକ, ଯାହା ତାଙ୍କ ସ୍ବାସ୍ଥ୍ୟ ପ୍ରତି ଲାଭଦାୟକ ହେବ। ଆମର ଖାଦ୍ୟପେୟ ଅଭ୍ୟାସ ଆମ ସ୍ବାସ୍ଥ୍ୟ ଉପରେ ସିଧାସଳଖ ପ୍ରଭାବ ପକାଇଥାଏ, ବିଶେଷକରି ଆମେ ସକାଳେ ଯାହା ଖାଉ କିମ୍ବା ପିଉ ତାହା ଆମ ଶରୀରକୁ ପ୍ରଭାବିତ କରେ। ଏହି କାରଣରୁ ପ୍ରାୟତଃ ସକାଳେ ଉଠିବା ପରେ ପାଣି ପିଇବାକୁ ପରାମର୍ଶ ଦିଆଯାଏ।

ସେମିତି ଏକ ପାନୀୟ ହେଉଛି ଧନିଆ ପାଣି। ଧନିଆ ଏହାର ସୁଗନ୍ଧ ଏବଂ ସ୍ବାଦ ଯୋଗୁ ପ୍ରତ୍ୟେକ ପନିପରିବାର ସ୍ବାଦକୁ ଦ୍ୱିଗୁଣିତ କରିଦିଏ। ଏହାକୁ ଦୁଇଟି ଉପାୟରେ ବ୍ୟବହାର କରାଯାଇପାରିବ। ପ୍ରଥମେ ଧନିଆ ପତ୍ରର ଚଟଣି ତିଆରି କରିପାରିବା ଯାହା ସ୍ବାସ୍ଥ୍ୟ ପାଇଁ ବହୁତ ଭଲ। ଏହା ଆମ ଖାଦ୍ୟର ସ୍ବାଦ ବଢ଼ାଇଥାଏ। ଦ୍ୱିତୀୟତଃ ଧନିଆ ପାଣି ବ୍ୟବହାର କରିପାରିବେ। ଆମେ ଆମ ଖାଦ୍ୟରେ ମସଲା ଭାବରେ ଧନିଆ ମଞ୍ଜି ମିଶାଇଥାଉ। ଉଭୟ ଉପାୟରେ ଧନିଆ ଖାଇବା ଦ୍ୱାରା ସ୍ବାସ୍ଥ୍ୟ ପାଇଁ ଲାଭଦାୟକ ହୋଇଥାଏ। ଧନିଆ ମଞ୍ଜିକୁ ପାଣିରେ ଫୁଟାଇ ପିଇବା ସ୍ବାସ୍ଥ୍ୟ ପାଇଁ ବହୁତ ଲାଭଦାୟକ। ଏଥିରେ ଆଣ୍ଟିଅକ୍ସିଡାଣ୍ଟ ଏବଂ ଆଣ୍ଟି-ଇମ୍ଫ୍ଲେମାଟୋରୀ ଗୁଣ ଅଛି। ଏହାର ପ୍ରଭାବ ଶୀତଳତା, ଯାହା ଶରୀରକୁ ଥଣ୍ଡା କରିଥାଏ।

 ଧନିଆ ପାଣି ମେଦବହୁଳତା ସମସ୍ୟା କମାଇବାରେ ପ୍ରଭାବଶାଳୀ। ଏହା ରକ୍ତ ସୁଗାର ଲେବଲକୁ ନିୟନ୍ତ୍ରଣ କରିବାରେ ମଧ୍ୟ ସହାୟକ ହୋଇଥାଏ। ଏହା ଚର୍ମ ସମ୍ବନ୍ଧୀୟ ସମସ୍ୟାର ଉନ୍ନତି ଏବଂ ଦୀର୍ଘକାଳୀନ ରୋଗର ଚିକିତ୍ସାରେ ମଧ୍ୟ ଉପଯୋଗୀ।

ପ୍ରତିଦିନ ଧନିଆ ପାଣି ପିଇବା ଦ୍ୱାରା ରୋଗ ପ୍ରତିରୋଧକ ଶକ୍ତି ବୃଦ୍ଧି ପାଏ। ଏହାର ନିୟମିତ ବ୍ୟବହାର ଦ୍ୱାରା ଶରୀରକୁ ଭିଟାମିନ ଏ, ସି ଏବଂ କେ ମିଳିଥାଏ। ଏହା ବ୍ୟତୀତ ଆଇରନ, କ୍ୟାଲସିୟମ ଏବଂ ମ୍ୟାଗ୍ନେସିୟମ ଭଳି ଖଣିଜ ପଦାର୍ଥ ମଧ୍ୟ ମିଳିଥାଏ। 

Powered by Froala Editor