ବିହାରରେ, ବିଜେପି, ଜେଡିୟୁ ଏବଂ ଛୋଟ ଦଳଗୁଡ଼ିକ ଦ୍ୱାରା ପ୍ରାର୍ଥୀ ଘୋଷଣା ମଧ୍ୟରେ, କିଛି ସମ୍ଭାବ୍ୟ ପ୍ରାର୍ଥୀମାନଙ୍କ ଆଶା ମଉଳି ଯାଇଛି। ବିଜେପି ଏବଂ ଜେଡିୟୁ ପରେ ଏନଡିଏର ସହଯୋଗୀ ଚିରାଗ ପାସୱାନଙ୍କ ଏଲଜେପି (ଆର) ମଧ୍ୟ ପ୍ରାର୍ଥୀଙ୍କ ତାଲିକା ପ୍ରକାଶ କରିଛି । ଚିରାଗ ପାସୱାନଙ୍କ ଦଳ ବୁଧବାର (ଅକ୍ଟୋବର ୧୫) ୧୪ ଟି ଆସନ ପାଇଁ ପ୍ରାର୍ଥୀ ଘୋଷଣା କରିଛି । ଏହା ଏଲଜେପିର ପ୍ରଥମ ପ୍ରାର୍ଥୀ ତାଲିକା  । ଏହି ଘୋଷଣା ପରେ ଯେଉଁ ନେତାମାନଙ୍କ ନାମ ତାଲିକାରେ ରହିନାହିଁ ସେମାନେ ନିରାଶ ହୋଇଯାଇଛନ୍ତି। ନେତାମାନେ ନିରାଶ ହେବା ସମୟର ଏକ ଭିଡିଓ ଭାଇରାଲ ହୋଇଛି।

ଏକ ଭିଡିଓ ଭାଇରାଲ ହୋଇଛି ଯେଉଁଥିରେ ଟିକେଟ୍ ନ ମିଳିବାରୁ ଏଲଜେପି (ଆର) ନେତା ଅଭୟ ସିଂହ କାନ୍ଦି କାନ୍ଦି ବେଦମ୍ ହୋଇଛନ୍ତି। ମୋରୱା ଆସନ ଜେଡିୟୁ ହାତରୁ ଗଲା, ନିର୍ବାଚନ ଲଢ଼ିବାର ତାଙ୍କର ଆଶା ଭାଙ୍ଗିଗଲା, ଏପରି ଏକ ଭିଡିଓ କରି ସେ ଭୋ ଭୋ ହୋଇକାନ୍ଦିଛନ୍ତି।

ସମସ୍ତିପୁର ଜିଲ୍ଲାର ମୋରୱା ବିଧାନସଭା ଆସନରୁ ଏଲଜେପି (ରାମ ବିଳାସ) ନେତା ଅଭୟ କୁମାର ସିଂହଙ୍କ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ଯେଉଁଥିରେ ସେ କାନ୍ଦି କାନ୍ଦି ଟିକେଟ୍ ବଣ୍ଟନରେ ଟଙ୍କା କାରବାର ଅଭିଯୋଗ କରୁଥିବା କଥା କହିଛନ୍ତି। ଭିଡିଓରେ, ଅଭୟ ସିଂହ କହୁଥିବାର ଦେଖାଯାଉଛି, “କେହି ଜଣେ ମୋଠାରୁ ଅଧିକ ଟଙ୍କା ଦେଇଥିଲା, ତେଣୁ ସେ ଟିକେଟ୍ ପାଇଲା। ମୁଁ ଏବେ ରାଜନୀତିରୁ ସନ୍ୟାସ ନେଉଛି।” ଭିଡିଓଟି ଭାଇରାଲ ହେବା ପରେ ରାଜନୈତିକ ମହଲରେ ଆଲୋଚନାର ବିଷୟ ପାଲଟିଛି।

Powered by Froala Editor