ଚାଇନାକୁ ଧମକ ଦେଲେ ଟ୍ରମ୍ପ, କହିଲେ ଏମିତି
ଓ୍ବାଶିଂଟନ: ଆମେରିକା ଏବଂ ଚାଇନା ମଧ୍ୟରେ ଟାରିଫ୍ ଯୁଦ୍ଧ ଆକ୍ରମଣାତ୍ମକ ରୂପ ନେବା ପରି ମନେ ହେଉଛି। ଚାଇନା ପୂର୍ବରୁ ସୋୟାବିନ ନ କିଣିବା ନିଷ୍ପତ୍ତି ନେଇ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ଚକିତ କରିଥିଲା। ଏବେ, ଟ୍ରମ୍ପ ବେଜିଂକୁ ରନ୍ଧନ ତେଲ ସମ୍ପର୍କରେ ଶିକ୍ଷା ଦେବାକୁ ପ୍ରସ୍ତୁତ ହେଉଛନ୍ତି। ଟ୍ରମ୍ପ ଚାଇନାକୁ ଧମକ ଦେଇଛନ୍ତି ଯେ ସେ ବେଜିଂ ସହିତ ରନ୍ଧନ ତେଲ ବାଣିଜ୍ୟ ବନ୍ଦ କରିବାକୁ ବିଚାର କରୁଛନ୍ତି।
ଟ୍ରମ୍ପ ସୋସିଆଲ ମିଡିଆ ପ୍ଲାଟଫର୍ମ ଟ୍ରୁଥ୍ରେ ଲେଖିଛନ୍ତି, ଚାଇନା ଜାଣିଶୁଣି ଆମଠାରୁ ସୋୟାବିନ କିଣୁନାହିଁ ଏବଂ ଆମର ସୋୟାବିନ ଚାଷୀମାନଙ୍କୁ ସମସ୍ୟାରେ ପକାଉଛି, ଯାହା ଅର୍ଥନୈତିକ ଶତ୍ରୁତାର ଏକ କାର୍ଯ୍ୟ। ଆମେ ପ୍ରତିଶୋଧ ସ୍ବରୂପ ଚାଇନା ସହିତ ରନ୍ଧନ ତେଲ ଏବଂ ଅନ୍ୟାନ୍ୟ ବାଣିଜ୍ୟ ବନ୍ଦ କରିବାକୁ ବିଚାର କରୁଛୁ।
Powered by Froala Editor
