ଟ୍ରମ୍ପଙ୍କୁ ମିଳିଲାନି ନୋବେଲ ଶାନ୍ତି ପୁରସ୍କାର, ୨୦୨୬କୁ ରଖିଲେ ଆଶା
ନୂଆଦିଲ୍ଲୀ: ଶୁକ୍ରବାର ଓସଲୋରେ ନୋବେଲ କମିଟି ୨୦୨୫ ନୋବେଲ ଶାନ୍ତି ପୁରସ୍କାର ଭେନେଜୁଏଲାର ରାଜନେତ୍ରୀ ମାରିଆ କୋରିନା ମାଚାଡୋଙ୍କୁ ପ୍ରଦାନ କରିଛି। ତାଙ୍କୁ ଗଣତନ୍ତ୍ର ପାଇଁ ପ୍ରୋତ୍ସାହନ ଓ ଏକଛତ୍ରବାଦ ବିରୋଧରେ ଲଢ଼େଇ ପାଇଁ ଏହି ସମ୍ମାନ ମିଳିଛି।
ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏହି ପୁରସ୍କାର ପାଇଁ ତୀବ୍ର ପ୍ରଚାର ଚଳାଇଥିଲେ। ସେ ଭାରତ-ପାକିସ୍ତାନ ସମେତ ୬-୭ଟି ସଂଘର୍ଷ ସମାଧାନ କରିଥିବା ଦାବି କରିଥିଲେ। ପାକିସ୍ତାନ ଓ ଇସ୍ରାଏଲ ତାଙ୍କ ପାଇଁ ମନୋନୟନ ପତ୍ର ଦାଖଲ କରିଥିଲେ। ତେବେ ଜାନୁଆରୀ ୩୧ରେ ମନୋନୟନ ସମୟ ସରିଥିବାରୁ ଟ୍ରମ୍ପ ଚଳିତ ବର୍ଷ ପୁରସ୍କାର ପାଇ ନଥିଲେ।
ଟ୍ରମ୍ପ ରୁଷିଆ-ୟୁକ୍ରେନ ଓ ଇସ୍ରାଏଲ-ହମାସ ଯୁଦ୍ଧ ଶେଷ କରିବାକୁ ଚେଷ୍ଟା ଜାରି ରଖିଛନ୍ତି। ୨୦୨୬ରେ ନୋବେଲ ଶାନ୍ତି ପୁରସ୍କାର ପାଇଁ ପୁଣି ସେ ପ୍ରତିଦ୍ୱନ୍ଦୀ ହୋଇପାରନ୍ତି ।
Powered by Froala Editor
