ଏୟାର ଇଣ୍ଡିଆର ଏକ ବିମାନ ଦୁର୍ଘଟଣାରୁ ଅଳ୍ପକେ ରକ୍ଷା ପାଇ ଯାଇଛି। ମଙ୍ଗଳବାର କଲମ୍ବୋ-ଚେନ୍ନାଇ ବିମାନରେ ଏକ ପକ୍ଷୀ ଧକ୍କା ଦେବା ଫଳରେ ବିମାନକୁ ଜରୁରୀକାଳିନ ଅବତରଣ କରିବାକୁ ପଡିଥିଲା। ବିମାନବନ୍ଦର ଅଧିକାରୀମାନେ କହିଛନ୍ତି, ବିମାନଟି ୧୫୮ ଜଣ ଯାତ୍ରୀଙ୍କୁ ନେଇ ଯାଉଥିଲା। ଦିଲ୍ଲୀରୁ ପ୍ରୟାଗରାଜ ଯାଉଥିବା ଏକ ଇଣ୍ଡିଗୋ ବିମାନକୁ ଲକ୍ଷ୍ନୌକୁ ସ୍ଥାନାନ୍ତରିତ କରାଯାଇଥିଲା।

ଅବତରଣ ପରେ ବିମାନକୁ ଉଡ଼ାଣ ପାଇଁ ଅନୁମତି ଦିଆଯାଇଥିଲା, କାରଣ ଘଟଣାଟି ସାମାନ୍ୟ ବୋଲି ଅଧିକାରୀମାନେ ବିବେଚନା କରିଥିଲେ। ପରବର୍ତ୍ତୀ ସମୟରେ ଯେତେବେଳେ ଏଆଇ-୨୭୪ ବିମାନ ସକାଳ ୪:୩୪ରେ କଲମ୍ବୋରୁ ଚେନ୍ନାଇକୁ ଫେରିଥିଲା, ସେତେବେଳେ ବୈଷୟିକ ଦଳ ଏକ ନିୟମିତ ଯାଞ୍ଚ କରିଥିଲେ ଏବଂ ଏକ କ୍ଷତିଗ୍ରସ୍ତ ଫ୍ୟାନ୍ ବ୍ଲେଡ୍ ପାଇଥିଲେ। ଏହାପରେ ବିମାନଟିକୁ ବର୍ତ୍ତମାନ ପାଇଁ ଏୟାରକ୍ରାଫ୍ଟ ଅନ୍ଗ୍ରାଉଣ୍ଡ ଘୋଷଣା କରାଯାଇଛି।

ଏହି ଘୋଷଣା ପରେ ବିମାନଟି ସେବାରୁ ବାହାରେ ରହିଛି। ମରାମତି ଏବଂ ସମ୍ପୂର୍ଣ୍ଣ ଯାଞ୍ଚ ପରେ ଏହାକୁ ବ୍ୟବହାର କରାଯିବ ବୋଲି ଯାଞ୍ଚ ଅଧିକାରୀମାନେ ସୂଚନା ଦେଇ କହିଛନ୍ତି।

ଉଲ୍ଲେଖନୀୟ ଯେ, ଏପର୍ଯ୍ୟନ୍ତ ଅନେକ ବିମାନ ଦୁର୍ଘଟଣା ଘଟିଛି। ଚଳିତ ବର୍ଷ ଜୁନ ୧୨ରେ ଅହମ୍ମଦାବାଦରେ ଏୟାର ଇଣ୍ଡିଆର ଏକ ବିମାନ ଦୁର୍ଘଟଣାଗ୍ରସ୍ତ ହୋଇଥିଲା। ବିମାନଟି ଅହମ୍ମଦାବାଦରୁ ଲଣ୍ଡନ ଅଭିମୁଖେ ଯାତ୍ରା କରୁଥିଲା। ଏଥିରେ ୧୪୨ ଜଣ ଯାତ୍ରା କରୁଥିଲେ। ଏଥିରୁ ୧୪୧ ଜଣଙ୍କ ଜୀବନ ଯାଇଥିଲା।

Powered by Froala Editor