ଡାକ୍ତର ହେବାକୁ ଇଚ୍ଛା ନଥିବାରୁ ଜୀବନ ହାରିଲେ ଛାତ୍ର
ମହାରାଷ୍ଟ୍ରରର ୧୯ ବର୍ଷୀୟ ଛାତ୍ର ଅନୁରାଗ ଅନିଲ ବୋରକର ମେଡିକାଲ କଲେଜରେ ନାମଲେଖା ପାଇଁ ଯିବା ଦିନରେ ଆତ୍ମହତ୍ୟା କରିଛନ୍ତି। ସେ ଏକ ଆତ୍ମହତ୍ୟା ନୋଟ୍ରେ ଲେଖିଥିଲେ ଯେ ସେ ଡାକ୍ତର ହେବାକୁ ଚାହୁଁ ନ ଥିଲେ।
ଘଟଣାଟି ଘଟିଛି ମହାରାଷ୍ଟ୍ରର ଚନ୍ଦ୍ରପୁରରେ। ମେଡିକାଲ କଲେଜକୁ ଆଡ୍ମିଶନ ପାଇଁ ଯିବାକୁ ଥିବା ବେଳେ ଛାତ୍ରଜଣଙ୍କ ଏଭଳି ଚରମ ପଦକ୍ଷେପ ନେଇଥିବା ଜଣାଯାଇଛି। ଅନୁରାଗ ତାଙ୍କ ପରିବାର ସହିତ ରହୁଥିଲେ ଏବଂ କିଛି ଦିନ ତଳେ ନିଟ୍ ୟୁଜି ୨୦୨୫ ପରୀକ୍ଷାରେ ୯୯.୯୯ ପ୍ରତିଶତ ନମ୍ବର ରଖି ଉତ୍ତୀର୍ଣ୍ଣ ହୋଇଥିଲେ। ଏହା ସହ ଓବିସି ବର୍ଗରେ ସର୍ବଭାରତୀୟ ସ୍ତରରେ ୧୪୭୫ ରାଙ୍କ ହାସଲ କରିଥିଲେ। ତାଙ୍କର ସଫଳତା ପରେ ସେ ଏମବିବିଏସ୍ ପାଠ ପଢ଼ିବା ପାଇଁ ଉତ୍ତରପ୍ରଦେଶର ଗୋରଖପୁରକୁ ଯିବାର ଥିଲା।
କିନ୍ତୁ, ନାୱାରଗାଁ ପୋଲିସ ଅନୁଯାୟୀ, ସେ ଘରେ ଫାଶୀ ଲଗାଇ ଆତ୍ମହତ୍ୟା କରିଛନ୍ତି। ଘଟଣାସ୍ଥଳରୁ ଏକ ଆତ୍ମହତ୍ୟା ନୋଟ୍ ମିଳିଛି, ଯେଉଁଥିରେ ସେ ଡାକ୍ତର ହେବାକୁ ଅନିଚ୍ଛୁକ ଥିବା ଉଲ୍ଲେଖ କରିଥିଲେ।
Powered by Froala Editor
