୨୨ ତାରିଖରୁ କମିଯିବ କାର୍ ମୂଲ୍ୟ, ଏତେ କମ୍ରେ ମିଳିଯିବ ବିଳାସପୂର୍ଣ୍ଣ କାର୍
ନୂତନ ଜିଏସଟି ନୀତି ପାଇଁ ଗାଡ଼ି ଦରରକୁ ଲକ୍ଷ ଲକ୍ଷ ଟଙ୍କା କମ୍ କରିଦେଇଛି ଦେଶର ସର୍ବବୃହତ କାର୍ ନିର୍ମାତା ମାରୁତି ସୁଜୁକି। ମାରୁତି ସୁଜୁକି ଏହାର କାର୍ଗୁଡ଼ିକର ମୂଲ୍ୟ ହ୍ରାସ ଘୋଷଣା କରିଛି। କମ୍ପାନି ଘୋଷଣା କରିଛି ଯେ ମାରୁତି ୱାଗନ-ଆର ଠାରୁ ଆରମ୍ଭ କରି ଅଲ୍ଟୋ ଏବଂ ଇଗ୍ନିସ୍ ଭଳି ଛୋଟ କାରଗୁଡ଼ିକର ମୂଲ୍ୟ ୧.୨୯ ଲକ୍ଷ ଟଙ୍କା ପର୍ଯ୍ୟନ୍ତ ହ୍ରାସ କରାଯାଇଛି। କାରର ମୂଲ୍ୟରେ ଏହି ହ୍ରାସ ସେପ୍ଟେମ୍ବର ୨୨ ତାରିଖରୁ ଲାଗୁ ହେବ।
ଏପର୍ଯ୍ୟନ୍ତ ପେଟ୍ରୋଲ କାର୍ ଗୁଡିକ ଉପରେ ୨୮% ଜିଏସଟି ଏବଂ ୧% ସେସ୍ ଲାଗୁ ହେଉଥିଲା । ଯାହା ମୋଟ ୨୯% ଟିକସ ଥିଲା । ଫଳରେ ଗ୍ରାହକଙ୍କୁ ଏକ୍ସ-ଶୋରୁମ୍ ମୂଲ୍ୟ ଅନୁଯାୟୀ ଅଧିକ ଦେବାକୁ ପଡୁଥିଲା । ୨୨ ସେପ୍ଟେମ୍ବର,୨୦୨୫ରେ ଲାଗୁ ହେଉଥିବା ନୂତନ ଜିଏସଟି ୨.୦ ଅନୁଯାୟୀ, କାର୍ ଗୁଡିକ ଉପରେ ଏବେ ୧୮%ର ଏକ ଫ୍ଲାଟ ଜିଏସଟି ଲାଗୁ ହେବ । ଏହା ୧୧%ର ପ୍ରତ୍ୟକ୍ଷ ଟିକସ ହ୍ରାସ ହେବ ।
ମାରୁତି ସୁଜୁକି ଦ୍ୱାରା ଜାରି ଏକ ସରକାରୀ ବିବୃତିରେ କୁହାଯାଇଛି ଯେ ସାମ୍ପ୍ରତିକ ସାମଗ୍ରୀ ଏବଂ ସେବା ଟିକସ (ଜିଏସ୍ଟି) ର ଲାଭ ସିଧାସଳଖ ଗ୍ରାହକମାନଙ୍କୁ ଦିଆଯିବ। ଏହି ନୂତନ ମୂଲ୍ୟ ଅପଡେଟ୍ ପରେ, ଅଲ୍ଟୋ କେ୧୦ ଆଉ ମାରୁତି ସୁଜୁକିର ସବୁଠାରୁ ଶସ୍ତା କାର ନୁହେଁ। ପ୍ରକୃତରେ, ମାରୁତି ଏସ୍-ପ୍ରେସୋ ଏବେ କମ୍ପାନିର ପୋର୍ଟଫୋଲିଓରେ ସବୁଠାରୁ ଶସ୍ତା କାର ପାଲଟିଛି। ଏହି କାରର ସର୍ବାଧିକ ମୂଲ୍ୟ ₹୧,୨୯,୬୦୦ ହ୍ରାସ ପାଇ ୩୪୯,୯୦୦ ଟଙ୍କାରେ ପହଞ୍ଚିଛି।
ସେହିପରି ମାରୁତି ସ୍ୱିଫ୍ଟ ଏବେ ମାତ୍ର ୫.୭୯ ଲକ୍ଷ ଟଙ୍କାରୁ ଆରମ୍ଭିକ ମୂଲ୍ୟରେ ଉପଲବ୍ଧ। ମାରୁତି ସୁଜୁକି ଏହାର ଲୋକପ୍ରିୟ କାର ସ୍ୱିଫ୍ଟର ମୂଲ୍ୟ ୮୪,୬୦୦ ଟଙ୍କା ହ୍ରାସ ଘୋଷଣା କରିଛି।
ଏହା ସହିତ, ବାଲେନୋର ମୂଲ୍ୟ ୮୬,୧୦୦ ଟଙ୍କା ପର୍ଯ୍ୟନ୍ତ ହ୍ରାସ କରାଯାଇଛି। ଯାହା ଫଳରେ ଏହାର ପ୍ରାରମ୍ଭିକ ମୂଲ୍ୟ ମାତ୍ର ୫.୯୯ ଲକ୍ଷ ଟଙ୍କା ହୋଇଛି। ମାରୁତି ଡିଜାୟାର ବର୍ତ୍ତମାନ ମାତ୍ର ୬.୨୬ ଲକ୍ଷ ଟଙ୍କାରୁ ପ୍ରାରମ୍ଭିକ ମୂଲ୍ୟରେ ଉପଲବ୍ଧ।
Powered by Froala Editor
