ଜମ୍ମୁ କାଶ୍ମୀରର ଗୁରେଜ୍ ସେକ୍ଟରରେ ସୁରକ୍ଷା ବାହିନୀକୁ ବଡ଼ ସଫଳତା। ଏନକାଉଣ୍ଟରରେ ସୁରକ୍ଷା ବାହିନୀ ଦ୍ୱାରା ମୋଷ୍ଟ ୱାଣ୍ଟେଡ୍ ଆତଙ୍କବାଦୀ ବାଗୁ ଖାନ ଓରଫ ସମନ୍ଦର ଚାଚା ନିହତ ହୋଇଛି । ସେ ୧୯୫୫ ମସିହାରୁ ପିଓକେରେ ରହୁଥିଲା। ଆତଙ୍କବାଦୀ ଗୋଷ୍ଠୀରେ ତାଙ୍କୁ ହ୍ୟୁମାନ୍ ଜିପିଏସ୍ କୁହାଯାଉଥିଲା। ସୂତ୍ର ଅନୁଯାୟୀ, ସମନ୍ଦର ଚାଚା ସହିତ ଆଉ ଜଣେ ପାକିସ୍ତାନୀ ଅନୁପ୍ରବେଶକାରୀ ମଧ୍ୟ ନିହତ ହୋଇଛି। 

ସୁରକ୍ଷା ଏଜେନ୍ସି ଅନୁଯାୟୀ, ସେ ଗତ ତିନି ଦଶନ୍ଧି ମଧ୍ୟରେ ଗୁରେଜ୍ ସେକ୍ଟର ଏବଂ ଆଖପାଖ ଅଞ୍ଚଳରୁ ୧୦୦ରୁ ଅଧିକ ଅନୁପ୍ରବେଶ ପ୍ରୟାସରେ ସାମିଲ ଥିଲା। ପାହାଡ଼ ଏବଂ ଗୁପ୍ତ ପଥ ବିଷୟରେ ତାର ଗଭୀର ଜ୍ଞାନ ପାଇଁ ସେଠାରେ ଥିବା ଆତଙ୍କବାଦୀ ସଂଗଠନଗୁଡ଼ିକ ଶକ୍ତିଶାଳୀ କରିଥିଲା।

ହିଜବୁଲ କମାଣ୍ଡର ଭାବେ ସମନ୍ଦର ଚାଚା କେବଳ ଗୋଟିଏ ଆତଙ୍କବାଦୀ ସଂଗଠନ ପର୍ଯ୍ୟନ୍ତ ସୀମିତ ନଥିଲା। ସେ ପ୍ରାୟ ପ୍ରତ୍ୟେକ ଆତଙ୍କବାଦୀ ସଂଗଠନକୁ ଅନୁପ୍ରବେଶ ଯୋଜନା ଏବଂ କାର୍ଯ୍ୟକାରୀ କରିବାରେ ସାହାଯ୍ୟ କରିଥିଲେ। ଏହି କାରଣରୁ ଆତଙ୍କବାଦୀମାନେ ତାଙ୍କୁ 'ହ୍ୟୁମାନ GPS' ବୋଲି ଡାକୁଥିଲେ। ତାକୁ ଧରିବା ପାଇଁ ୪ ମାସ ଧରି ଜାଲ ବିଝାଇଥିଲା ସେନା। 

୨୮ ଅଗଷ୍ଟ ରାତିରେ, ଯେତେବେଳେ ସେ ନୌଶେରା ନର ଅଞ୍ଚଳରୁ ପୁଣି ଅନୁପ୍ରବେଶ କରିବାକୁ ଚେଷ୍ଟା କରୁଥିଲା, ସୁରକ୍ଷା ବାହିନୀ ତାଙ୍କୁ  ଏନକାଉଣ୍ଟର କରିଥିଲେ।

Powered by Froala Editor